اقتوبە وبلىسىندا بوگدە ادامنىڭ كومەگىنە ءزارۋ جانە ەرەكشە كوڭىل ءبولۋدى قاجەت ەتەتىن 42 زەينەتكەر بار. ايتا كەتەرلىگى, ولاردىڭ بارلىعى جاسوتاندىقتاردىڭ - بەلسەندى ومىرلىك ۇستانىمى بار, كەڭ پەيىلدى جاس تۇرعىنداردىڭ تۇراقتى قامقورلىعىندا.
بۇگىن بالالار سامال سەلباەۆا, زويا بويكو جانە اناستاسيا پريحنوعا ازىق-ت ۇلىك قورىن اكەلدى جانە ۇزدىكسىز جاۋعان قاردان اۋلاسىن تازارتتى.
سامال سەلباەۆا ەندى 70 جاسقا تولادى. ول 40 جىل مەديتسينا سالاسىندا ەڭبەك ەتكەن. قازىر جالعىز, 3 بالاسى باسقا قالالاردا تۇرادى جانە جۇمىس جاسايدى. سوندىقتان ول بوگدە ادامنىڭ كومەگىنە مۇقتاج.
- ءۇيىم ىلديدا ورنالاسقان. ەرىگەن قار سۋى جينالماس ءۇشىن اۋلانىڭ ءىشىن قاردان ءجيى تازارتىپ تۇرۋ قاجەت. بۇل جۇمىسقا ۇنەمى جاسوتاندىقتار كومەك كورسەتىپ كەلەدى. مەنى ەشقاشان ۇمىتپايدى. ال توقتار ماعان ءوزىمنىڭ بالامداي بولىپ كەتتى, - دەدى ول.
زويا دانيلوۆنا دا ءبىلىم سالاسىندا 40 جىل جۇمىس ىستەگەن. ول قالانىڭ ەسكى بولىگىندە جالعىز تۇرادى. جاسوتاندىقتار ونىڭ ۇيىنە دە ءجيى بارادى. اپتا سايىن جۇگىرىپ كەلىپ, ءۇيىن جيناۋعا كومەكتەسەدى, ازىق-ت ۇلىك اكەلىپ بەرەدى. جۇمىستان كەيىن مىندەتتى تۇردە ءۇي يەسىمەن شاي ءىشۋدى ۇمىتپايدى. ارينە, ماسەلە ءشاي ىشۋدە ەمەس, ءشاي ءىشۋ داستۇرىندە, ياعني قاريالارمەن شۇيىركەلەسىپ, كوڭىل اۋدارۋ بارىنەن دە ماڭىزدى.
- اتا-انام ءبىزدى ادەپتى, ۇلكەندى سىيلاپ, كىشىگە ۇلگى بولۋعا تاربيەلەپ كەلەدى. مەنىڭ دە 70-تەن اسقان اتا-اجەم بار. سوندىقتان قاريالارعا كومەك كورسەتۋ تۋرالى ۇسىنىس جاساعاندا بىردەن كەلىسىپ, دوستارىمىزبەن بىرگە ەرىكتىلەر توبىن قۇردىق. ءبىز قامقورلىعىمىزداعى اتا-اجەلەرىمىزگە اۋا-رايى مەن جۇمىسىمىزعا قاراماستان اپتا سايىن بارامىز. بارماي قالۋ ولارعا اۋىر تيەدى, ال بۇل دۇرىس ەمەس. اعا بۋىنعا قامقورلىق جاساۋ – پاراساتتى پارىزىمىز, - دەدى «جاس وتان» جاستار قاناتىنىڭ بەلسەندىسى مەدەت ابەنوۆ.
