اتالعان بايقاۋعا قاتىسۋعا 6 ۇمىتكەر نيەت ءبىلدىرىپ وتىر. قاتىسۋشىلار ءوز جوبالارىن «اتامەكەن» ۇلتتىق كاسىپكەرلەر پالاتاسىندا دۇنيەجۇزىلىك ساپا كۇنىنە ارنالعان ونلاي-كونفەرەنتسيا بارىسىندا تانىستىردى.
− بۇگىندە بيزنەس وكىلدەرى باسەكەگە قابىلەتتىلىكتىڭ نەگىزگى قۇرالى ساپا ەكەنىن تۇسىنەدى. شىعارىلاتىن ءونىمنىڭ ساپاسىن ۇنەمى جاقسارتىپ وتىرماسا, ىشكى نارىقتى ءبىرىنشى قاجەتتىلىكتەگى تاۋارلارمەن تولىقتىرۋ جانە ەكسپورتقا شىعارۋ مۇمكىن ەمەس بولىپ بارادى, – دەدى «اتامەكەن» ۇكپ تورالقاسىنىڭ توراعاسى حاتشىلىعىنىڭ باسشىسى لاززات رامازانوۆا.
«ەكوفارم» جشس – بايقاۋعا قاتىساتىن وتاندىق كومپانيانىڭ ءبىرى. بۇل قان جيناۋ جانە ساقتاۋعا ارنالعان ءبىر رەتتىك, ستەريلدى ۆاكۋمدى تۇتىك شىعاراتىن قازاقستانداعى جالعىز كاسىپورىن.
− كومپانيامىز شىعاراتىن ءونىمدى قازاقستاننىڭ بارلىق دەرلىك اۋرۋحانالارى, ەمحانالارى مەن زەرتحانالارى پايدالانادى, – دەدى «ەكوفارم» جشس زەرتتەۋ جانە ازىرلەۋ ءبولىمىنىڭ باستىعى.
مايا سۇيىنشاليەۆا ء«سان يندۋسترياسىنداعى يننوۆاتسيالار» جوباسىن تانىستىردى. ىسكەر حانىم قولدانىستان شىققان پلاستيك كارتريدجدەردى قايتا وڭدەپ, ونى كيىم-كەشەك وندىرىسىنە پايدالانباق. مۇنداي كيىمگە كرەاتيۆتى سۋرەتتەر سالىنىپ, كوپشىلىكتىڭ نازارىن «جاسىل ەكونوميكا» ماسەلەلەرىنە تارتۋدى كوزدەيدى. ال الماتىلىق قادىرجان ماقانعالي ەت دەليكاتەستەرى ءوندىرىسىن مىقتاپ جولعا قويعان. كاسىپكەر اتالعان برەند شەتەلدە قازاقستاننىڭ ءونىمى رەتىندە تانىلعانىن قالايدى.
− يتاليالىق پيتستسا, نەمىس سوسيسكالارى, چەحيالىق شۇجىقتار تۋرالى بىلەمىز. تۋرا وسىلاي الەم ءبىزدى «قازاق قازىسىمەن» تانۋى كەرەك. ۇلتتىق تاعامنىڭ دامدىلىگىن جاقسارتتىق, ونى ۆاكۋمدى قاپتامادا شىعارىپ جاتىرمىز. ساقتاۋ مەرزىمى دەليكاتەستەردى شەتەلگە ەكسپورتتاپ, قوناقتارعا اۋىز تيگىزۋگە, جالپى برەندتى العا جىلجىتۋعا مۇمكىندىك بەرىپ وتىر, – دەدى ق. ماقانعالي.
اتالعان ۇمىتكەرلەر الەمدىك دەڭگەيدەگى بايقاۋعا قاتىسۋ ارقىلى قازاقستاننىڭ الەۋمەتتىك-ەكونوميكالىق تۇرعىدا ءتيىمدى جوبالاردى ىسكە اسىرۋعا نيەتتى ەكەنىن تاعى ءبىر دالەلدەمەك.
ەركەجان ايتقازى,
«ەگەمەن قازاقستان»
