جيىنعا قازاقستان رەسپۋبليكاسىنىڭ پرەزيدەنتى اكىمشىلىگى ىشكى ساياسات ءبولىمىنىڭ سەكتور مەڭگەرۋشىسى ع.شويكين, د.قوناەۆ اتىنداعى ەۋرازيالىق زاڭ اكادەمياسىنىڭ رەكتورى و.جالايري, مەملەكەتتىك ورگانداردىڭ باسشىلارى, بەلگىلى قازاقستاندىق ءدىنتانۋشى عالىمدار جانە ءدىني بىرلەستىكتەردىڭ باسشىلارى قاتىستى. فورۋم بارىسىندا ەلدەگى ءدىني ەكسترەميزمنىڭ الدىن الۋ بويىنشا اقپاراتتىق ءتۇسىندىرۋ جۇمىستارىن جەتىلدىرۋ جانە يسلامتانۋ مەكتەبىنىڭ قالىپتاسۋى ماسەلەلەرى تالقىلاندى.
قوعامدىق دامۋ ۆيتسە-ءمينيسترى ب.ارىن ءدىنتانۋشىلار بىرلەستىگىنە بىرقاتار عالىمدار قوسىلعانىن اتاپ ءوتتى. ء«دىن ماسەلەسىنىڭ قوعامداعى وزەكتىلىگىنە وراي, ونىڭ عىلىمداعى ورنى ارتا ءتۇستى. سول سەبەپتى ءبىز وسى قوعامدىق بىرلەستىكتىڭ قۇرامىنا ءدىنتانۋشى عالىمدارمەن دىنتانۋلىق ءبىلىم بەرۋ, اقپاراتتىق ءتۇسىندىرۋ سالاسىنداعى قوعامنىڭ بەلسەندى ازاماتتارىن تارتۋعا تىرىستىق. ءدىن ىستەرى جانە ازاماتتىق قوعام مينيسترلىگى تاراپىنان 2017-2020 جىلدارعا ارنالعان ءدىن سالاسىنداعى مەملەكەتتىك ساياساتتىڭ تۇجىرىمداماسى قابىلدانعان بولاتىن», دەدى ول.
بۇدان ءارى ءدىنتانۋشى عالىمداردىڭ فورۋم تاقىرىبىنا سايكەس باياندامالارى تىڭدالدى. جيىن سوڭىندا قازاقستاننىڭ الدىڭعى قاتارلى ءدىنتانۋشىلارىن ماراپاتتاۋ ءراسىمى ءوتىپ, تۇجىرىمدامالىق ۇسىنىستار قابىلداندى.
مارجان تىلەۋبەك,
«ەگەمەن قازاقستان»
