«وتە جاقسى ونەر كورسەتە العانىما قۋانىشتىمىن. دجون دەۆيد دجەكسوننىڭ قولاستىندا شەبەرلىگىم ارتا تۇسكەنىن بايقاپ ءجۇرمىن. بارشا كومانداما جانە ەددي حيرنگە راحمەت! مەن دەر كەزىندە سوققى جاساي الاتىنىما سەنەمىن. مونتە-كارلوداعى جەكپە-جەكتى ءوز باسىم تاماشا وتكىزدىم دەپ ويلايمىن. بۇل ۇلكەن شوۋ, جاڭا دەڭگەي», دەدى د.ەلەۋسىنوۆ.
ەسكە سالا كەتەيىك, دانيار ەلەۋسىنوۆ ءۇشىن بۇگىنگى جەڭىسى كاسىپقوي مانسابىنداعى ءۇشىنشى نوكاۋت بولدى. بۇعان دەيىن ەكى امەريكالىقتى نوكاۋتپەن جەڭگەن بولاتىن. نوا كيددتى (3-1-1, 2 كو) ءۇشىنشى راۋندتا, مەتت دوەرتيدى (8-6-1, 4 كو) ءبىرىنشى راۋندتا-اق تىزە بۇكتىردى.
