ەلباسى نۇرسۇلتان نازارباەۆتىڭ جارلىعىمەن ق.قايسەنوۆ «حالىق قاھارمانى» اتاعىن الدى.
- بالا كەزىمىزدەن اتامىزدىڭ ەرلىگىن كينولاردان كورىپ وستىك. بۇل تۋرالى «قازاقستان» ۇلتتىق تەلەارناسىندا «قاسىم» اتتى كينو كورسەتىلدى. بيىل دا 100 جىلدىق مەرەيتويىنا وراي قاسىم قايسەنوۆ تۋرالى e-history.kz سايتىندا ماقالالار جاريالاندى. اتامىزدىڭ 1918 جىلعى 23 ءساۋىر قازىرگى شىعىس قازاقستان وبلىسى ۇلان اۋدانى, اسۋبۇلاق اۋىلىندا ومىرگە كەلگەنى بەلگىلى, -دەيدى وبلىستىق «سارىارقا سامالى» گازەتىنىڭ رەداكتورى نۇربول جايىقباەۆ.
سودان وسكەمەندەگى كوممۋنيستىك ساياسي-اعارتۋ (كومپوليتپروسۆەت) تەحنيكۋمىن بىتىرەدى. ساياسي-اعارتۋ قىزمەتكەرلەر كۋرسىنىڭ مەڭگەرۋشىسى بولادى. 1939 جىلعى 16 ءساۋىر كۇنى قازاق سسر حالىق اعارتۋ كوميسسارياتىنىڭ بۇيرىعىمەن پاۆلودار وبلىسىنا جىبەرىلەدى. وبلىستىق ءبىلىم باسقارماسىنىڭ ساياسي-اعارتۋ جۇمىسى جونىندەگى ينسپەكتورى بولىپ تاعايىندالادى.
جۋرناليست نۇربول جايىقباەۆتىڭ ايتۋىنشا, قاسىم اتامىز «دارحان دارىن» اتتى ەستەلىگىندە اقىن قابدىكارىم ىدىرىسوۆ جايلى ول شىن مانىندە تابيعاتىندا ءانشى ەدى. بىردە بابىندا وتىرعاندا «قورلانعا» باستى. تىڭداپ وتىرىپ, جان-دۇنيەم ەگىلىپ, كوزىمە جاس تولىپ كەتتى. ەستاي اتانىڭ بۇل ءانىن 1939 جىلى پويىزدىڭ جۇك تاسيتىن ۆاگونىندا ونىڭ جيەنى ومىرباەۆ حامزانىڭ اۋزىنان ەستىگەن ەدىم. حامزا ەستاي اتانىڭ قارىنداسىنان تۋعان جالعىز ۇل ەدى. ول اقىن, ويلى, پاراساتتى جىگىت ەدى. ەكەۋمىز 1939 جىلدىڭ باسىندا كەرەكۋدەن فين سوعىسىنا, ارميا قاتارىنا الىنىپ, مايدانعا اتتانىپ بارا جاتقان كەزىمىز ەدى...» دەپ جازىپتى.
ال, قازىرگى وبلىستىق قورعانىس ىستەرى جونىندەگى دەپارتامەنتى «1918 جىلى 23 ساۋىردە تۋعان قاسىم قايسەنوۆ پاۆلودار وبلىسى جەرگىلىكتى اسكەري باسقارما ورگاندارىنىڭ ەسەپتىك-مۇراعاتتىق مالىمەتتەرى بويىنشا ەسەپتە جوق» دەپ جاۋاپ بەرىپتى.
- قاسىم قايسەنوۆتىڭ ومىرىنە قاتىستى بۇل دەرەكتى ناقتىلاۋ قاجەت ەمەس دەپ پىكىر ايتۋشىلار دا تابىلار. بىراق, ءبىز قاسىم اتامىزدىڭ ومىرىنە قاتىستى وسى ءبىر ناقتى دەرەكتىڭ انىقتالۋىن كۇتەمىز. بىلەتىندەر بولسا, حابارلاسار دەگەن ويدامىز. دەرەك انىقتالسا, 1939 جىلى جاۋىنگەرلەردى سوعىسقا شىعارىپ سالعان ءبىزدىڭ قالاداعى ەسكى تەمىرجول پەررونى تۇسىندا «قاسىم قايسەنوۆ وسى جەردەن مايدانعا اتتانعان» دەپ ەسكەرتكىش تاقتا ورناتقىمىز كەلەدى, -دەيدى نۇربول.
فاريدا بىقاي,
«ەگەمەن قازاقستان»
پاۆلودار
