«تسيفرلى قازاقستان» باعدارلاماسى اياسىندا اۋىل شارۋاشىلىعى سالاسىنا باسىمدىق بەرۋدىڭ ماڭىزى زور. بۇگىندە اۋداندا 29 مىڭ گەكتار ەگىستىك القاپ تۇگەلدەي تسيفرلاندىرىلدى. قازىر اۋدان شارۋاشىلىقتارى جايىلىمداردى تسيفرلاندىرۋدى جۇزەگە اسىرۋدى قولعا الىپ جاتىر. بارلىق جايىلىمدىق جەردىڭ 15 پروتسەنتتەن استامى نەمەسە 105 گا القاپ تسيفرلاندىرۋدى پايدالانادى. بۇل جۇمىستار ءالى جالعاسىن تابادى» دەدى شوتا سابيتبەك ۇلى. وسى وڭىردەگى «كەنەسارى», «بيكەن» شارۋاشىلىقتارى مالعا چيپ قولدانسا, «ازامات» شارۋا قوجالىعى «ەلەكتروندىق مالشى» دەپ اتالاتىن ۇشقىش-درونداردى ساتىپ الۋدى جوسپارلاپ وتىر.
اۋدانداعى ءبىلىم بەرۋ سالاسىندا دا «تسيفرلى قازاقستان» باعدارلاماسى قادام باستى. «كۇندەلىك.kz» ەلەكتروندى جۋرنالى جانكەلدين اۋدانىنداعى بارلىق ءبىلىم وشاقتارىنا ەنگىزىلگەن. سونىمەن قاتار, «اليۋمينستروي» جشس-ءنىڭ دەمەۋشىلىگىمەن قۇنى 8 ملن 430 مىڭ تەڭگەلىك «روبوتوتەحنيكاعا نەگىزدەۋ, باعدارلامالاۋ جانە مودەلدەۋ» كابينەتى مەن زەرتحاناسى ىسكە قوسىلدى.
دەنساۋلىق ساقتاۋ سالاسىندا دارىگەرلەر قاعازسىز جۇمىس ىستەۋگە كوشە باستادى. جۇمىس قارقىندى جۇرگىزىلىپ جاتىر. بيىل اۋداندا ەمحانالارعا كەلۋشىلەردىڭ مەديتسينالىق تولقۇجاتىنىڭ 96 پروتسەنتى كومپيۋتەرگە كوشىرىلدى. بۇل بولاشاقتا دارىگەرلەر ۋاقىتىن ۇنەمدەپ, ەمدەلۋشىلەرگە كوبىرەك كوڭىل بولۋگە مۇمكىندىك بەرەتىنىن ايتتى اۋدان باسشىسى.
ءنازيرا جارىمبەت,
«ەگەمەن قازاقستان»
قوستاناي
