مەملەكەتتىك قىزمەتتەردى كورسەتۋدىڭ نەگىزگى قاعيدالارىنىڭ ءبىرى قىزمەت كورسەتۋ ءۇردىسىن ۇنەمى جەتىلدىرۋ بولىپ تابىلادى.
وسىلايشا, قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىمەن كوللەدجدەردە جانە جوعارى وقۋ ورىندارىندا ستۋدەنتتەرگە قىزمەت كورسەتۋ ورتالىقتارىن اشۋ باستاماسى قولعا الىنعان بولاتىن.
قازىرگى تاڭدا, قالامىزداعى 3 جوعارى وقۋ ورىندارىندا ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىندە, قازاق-ورىس حالىقارالىق ۋنيۆەرسيتەتىندە جانە س. بايشەۆ اتىنداعى اقتوبە ۋنيۆەرسيتەتىندە ستۋدەنتتەرگە قىزمەت كورسەتۋ ورتالىقتارى مەن «وزىنە-ءوزى ەلەكتروندىق قىزمەت كورسەتۋ بۇرىشتارى» جۇمىس جاساۋدا.
مەملەكەتتىك كورسەتىلەتىن قىزمەت باسقارماسىنىڭ باسشىسى يليا پاكتىڭ ايتۋىنشا, سقكو اشىلۋى وقۋ ۇدەرىسىنىڭ اقپاراتتىق اشىقتىعى مەن وقۋ پروتسەسىنىڭ ايقىندىعىن دامىتۋعا, سەرۆيستىك قىزمەتتى وڭتايلاندىرۋعا, ءوزارا سىيلاستىق مادەنيەتى مەن سىبايلاس جەمقورلىق كورىنىستەرىنە توزبەيتىن ورتانى قالىپتاستىرۋعا مۇمكىندىك بەرەدى.
«وسى تۇستا ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتتىڭ وڭ تاجىريبەسىن اتاپ وتۋگە بولادى. 2017 جىلدىڭ 26 قىركۇيەگىنەن باستاپ ۋنيۆەرسيتەتتە «تەمىرقازىق» ستۋدەنتتەرگە قىزمەت كورسەتۋ ورتالىعى جۇمىس جاساۋدا.بۇگىنگى كۇنى ول ء«بىر تەرەزە» قاعيداتى بويىنشا جۇمىس ىستەيدى جانە ستۋدەنتتەرگە قىزمەت كورسەتۋ ءتارتىبى ارنايى تەرمينال ارقىلى ەلەكتروندى كەزەك بەرۋ تالونى ارقىلى جۇزەگە اسىرىلادى. سونداي-اق, ۋنيۆەرسيتەت قىزمەتكەرلەرى مەن ستۋدەنتتەر ەلەكتروندى تۇردە «eARSU» نەمەسە «earsubot telegrams bot» ءموبيلدى قوسىمشاسى ارقىلى قىزمەت الۋعا ءوتىنىش بەرە الادى. «تەمىرقازىق» ستۋدەنتتەرگە قىزمەت كورسەتۋ ورتالىعىنىڭ اشىلۋىنان باستاپ 29 303 قىزمەت كورسەتىلگەن. ءبىز بۇل وڭ تاجىريبەنى باسقا وقۋ ورىندارىندا قولدانۋعا بولادى دەپ ەسەپتەيمىز», - دەدى ي.پاك.
سونداي-اق, م.وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىندە ستۋدەنتتەردى جاتاقحاناعا ورنالاستىرۋعا ەلەكتروندىق جاڭالىعىن ەنگىزۋ بويىنشا قازاقستانداعى العاش ۋنيۆەرسيتەت بولدى.
«سيريۋس» جۇيەسى بولمەلەردى ءبولۋدىڭ اشىقتىعىن قامتاماسىز ەتەدى, ءوتىنىش بەرۋشىمەن تىكەلەي بايلانىستى جويادى, ياعني سىبايلاس جەمقورلىققا قارسى تۇرۋعا ىقپال ەتەدى.
«باعدارلاماعا ءوتىنىش تاستاپ, ستۋدەنتتەر ەتسق-نى ونلاين قويادى جانە تولەم تولەيدى. سودان كەيىن ولار تۇبىرتەكتىڭ سۋرەتىن ءتۇسىرىپ, ونى تۇبىرتەك بولىمىنە بەكىتەدى. وسىدان كەيىن ولار قونىستانۋ تۋرالى شەشىم قابىلدايدى جانە جاتاقحاناعا ورنالاسا الادى», - دەپ ءتۇسىندىردى يليا پاك.
سونىمەن قاتار, ۇيىمداستىرۋشىلاردىڭ حابارلاۋىنشا, بۇگىن اقتوبە وبلىسىنىڭ 37 ورتا ارنايى ءبىلىم بەرۋ مەكەمەسىندە «ەلەكتروندى وزىنە-ءوزى قىزمەت كورسەتۋ بۇرىشى» اشىلدى.
تەمىر قۇسايىن,
«ەگەمەن قازاقستان»
اقتوبە
