2019 جىلدىڭ 8 ناۋرىزىندا تۋعانىنا 100 جىل تولاتىن ايگىلى اكتريسانىڭ مەرەيتويىن تويلاۋ مەن عيبراتقا تولى عۇمىرىن ەسكە الۋ شارالارىن يۋنەسكو كولەمىندە اتاپ ءوتۋ تۋرالى شەشىم قابىلداندى. وسىعان وراي جاڭا جىلدىڭ باسىنان-اق مادەنيەت جانە سپورت مينيسترلىگىنىڭ قولداۋىمەن ەل تاريحىندا تۇڭعىش رەت تەاتر جانە كينو سالاسى ءارتىسىن ەسكە الۋعا باعىتتالعان مادەني ءىس-شارالاردىڭ يۋنەسكو كولەمىندە ۇيىمداستىرىلۋى جوسپارلانۋدا.
ءوز داۋىرىندە ساحنانىڭ ساڭلاعى, ەكراننىڭ ەركەسى اتانعان ءامينا ەرقوجاقىزى ونەر جولىن شىمكەنت تەاترى ساحناسىنان باستاپ, 1949 جىلدان ءومىرىنىڭ سوڭىنا دەيىنگى جارتى عاسىردان استام عۇمىرىن ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ وركەندەۋىنە ارنادى. كوپتەگەن كينوفيلمدەر مەن تەاتر قويىلىمدارىنداعى تالعامپاز بەينەلەرى ارقىلى حالىق جۇرەگىنەن وشپەس ورىن الدى.
قالىڭ كورەرمەن ەسىندە ساحنا مەن ەكراندا كەسكىندەگەن قايتالانباس انالار وبرازى گالەرەياسىن جاساعان جارقىن بەينەسى ارقىلى ساقتالعان ونەر يەسىنىڭ شىعارماشىلىعى شىنايىلىعىمەن قۇندى. 70 جىلعا جۋىق ساحنالىق عۇمىرىندا ءبىر-بىرىنە ۇقسامايتىن ويلى دا مازمۇندى 150-دەن اسا ءرولدىڭ اۆتورى اتانىپ, بەينەلىلىك بيىگىنەن كورىنگەن اكتريسانىڭ ونەر الەمىندە ورنەكتەگەن ونەگەلى جولى قاي كەزدە دە كورۋشىسىن بەي-جاي قالدىرىپ كورگەن ەمەس. اڭىز اكتريسانىڭ عاسىر تويىنىڭ يۋنەسكو كولەمىندە تويلانۋى جونىندەگى يگى باستاما – ۇلتتىق ونەرىمىزدىڭ جارىق جۇلدىزى قۇرمەتىنە جاسالعان ماڭگىلىك ەسكەرتكىش دەپ بىلەمىز.
نازەركە جۇماباي,
«ەگەمەن قازاقستان»
