پرەزيدەنت ن.نازارباەۆتىڭ 2018 جىلدىڭ 5 قازانىندا جاريالاعان جولداۋىندا الەۋمەتتىك سالاعا باسا نازار اۋدارعان. وندا, اسىرەسە تۇرعىنداردىڭ ءال-اۋقاتىن ارتتىرۋ, جەرگىلىكتى كاسىپكەرلەردى قولداۋ ىسىنە باسىمدىق بەرىلگەن. سونىمەن قاتار دەنساۋلىق ساقتاۋ جانە ءبىلىم بەرۋ سالالارىنا دا ايرىقشا كوڭىل بولىنگەن. بۇلاردان بولەك, مەن اتالعان جولداۋدا ازىق-ت ۇلىك ونىمدەرىنىڭ قاۋىپسىزدىگى مەن ساپاسىنا مەملەكەتتىك باقىلاۋدى كۇشەيتۋ ىسىنە ەكپىن بەرىلگەنىن وتە ورىندى دەپ ەسەپتەيمىن. وسى ارادا حالىق دەنساۋلىعىنىڭ جاقسى بولۋى ەلدىڭ قارقىندى تۇردە دامۋىنا تىكەلەي اسەر ەتەتىن فاكتور ەكەنىن اتاپ وتكىم كەلەدى.
قازىرگى تاڭدا الەمدە تەحنولوگيانىڭ قارقىندى دامۋى ۋاقىت تالابىنا ساي ماماندار دايارلاۋ قاجەتتىگىن كۇن تارتىبىنە شىعارىپ وتىر. وسىعان بايلانىستى, جولداۋدا جوعارى وقۋ ورىندارىنىڭ الدىنا ساپالى ماماندار دايارلاۋ مىندەتى قويىلعانى, سونداي-اق ۇرپاققا ءبىلىم, تاربيە بەرۋ ىسىندە 4ك مودەلىنە: كرەاتيۆتىلىكتى, سىني ويلاۋدى, كوممۋنيكاتيۆتىلىكتى دامىتۋعا جəنە كوماندادا جۇمىس ىستەي بىلۋگە باستى نازار اۋدارىلعانى قۋانتادى.
جولداۋدا قۇقىق قورعاۋ ورگاندارىنىڭ, سوت جۇيەسىنىڭ, مەملەكەتتىك قىزمەتكەرلەردىڭ جۇمىسىن جەتىلدىرۋ, زامان سۇرانىسىنا بەيىمدەۋ ماسەلەسى اتاپ كورسەتىلگەن. ايتا كەتۋ كەرەك, مەملەكەتتىك قىزمەتكەرلەردىڭ جۇمىسىنا حالىقتىڭ سەنىم ارتۋى وتە ماڭىزدى. سوندىقتان ءوزىن-ءوزى جەتىلدىرە وتىرىپ, ساپالى جۇمىس ىستەۋ مەملەكەتتىك قىزمەتشىنىڭ باستى مىندەتى بولۋى ءتيىس.
جالپى, قازاقستاندا حالىقتىڭ ءال-اۋقاتىن جاقسارتۋعا, ولاردىڭ تابىسىن ءوسىرىپ, تۇرمىس ساپاسىن ارتتىرۋعا قاتىستى كوپتەگەن جۇمىستار اتقارىلۋدا. ەلدە ءتۇرلى الەۋمەتتىك كومەكتەردى ۇسىنۋ ءۇردىسى ساقتالىپ قانا قويماي, ول بىرتىندەپ كوبەيتىلىپ وتىر. بۇل قازاقستانداعى تۇراقتىلىق پەن ورنىقتى دامۋدىڭ ايقىن كورىنىسى.
ميلانكا كاريچ,
سەربيا پارلامەنتىنىڭ دەپۋتاتى
