بۇل ەلباسى بيىلعى جولداۋىندا اتاپ وتكەن ءۇش اۋىسىمدى مەكتەپتەر ماسەلەسىن تۇبەگەيلى شەشۋ ءۇشىن ءالى ءبىراز جۇمىس اتقارىلۋى كەرەكتىگىن كورسەتەدى. «الداعى ەكى جىلدا اتىراۋدا 20 مەكتەپ سالۋ جوسپارلانىپ وتىر, وسىلايشا ءۇش اۋىسىمدا وقىتۋ ماسەلەسى شەشىلەدى, − دەيدى قالالىق ءبىلىم بەرۋ ءبولىمىنىڭ مەڭگەرۋشىسى فاريزا شاڭگەرەەۆا. – قازىر بەس مەكتەپتىڭ قۇرىلىسى جۇرۋدە. 8 ءبىلىم نىسانى مەملەكەتتىك-جەكەمەنشىك ارىپتەستىك نەگىزىندە سالىنادى. جىل سوڭىنا دەيىن ەكى مەكتەپ پايدالانۋعا بەرىلەدى».
وڭىرلىك كوممۋنيكاتسيالار قىزمەتىندە وتكەن بريفينگىدە مەكتەپتەردەگى مۇعالىم تاپشىلىعى جايلى دا ءسوز بولدى. اۋدانداردى ايتپاعاننىڭ وزىندە, اتىراۋ قالاسىنداعى 57 مەكتەپكە قازىر 305 مۇعالىم جەتپەي وتىر. اسىرەسە قازاق تىلىندە وقىتاتىن مەكتەپتەردەگى ورىس ءتىلى ءپانى مۇعالىمىنە, ماتەماتيكا, فيزيكا, تاريح, تەحنولوگيادان ءدارىس بەرۋشىلەرگە سۇرانىس جوعارى.
بۇل پروبلەمانى شەشۋ ءۇشىن دە اتقارىلىپ جاتقان شارالار بار. وبلىس اكىمدىگى بيىل پەداگوگيكالىق ماماندىقتار بويىنشا مەملەكەتتىك تاپسىرىس نەگىزىندە 300 مەكتەپ تۇلەگىنە گرانت بەردى. كەلىسىمشارت بويىنشا گرانتقا يە بولعان جاستار وقۋ بىتىرگەننەن كەيىن وبلىس اۋماعىنداعى ءبىلىم وردالارىندا جۇمىس ىستەۋگە مىندەتتى.
باقىتگۇل باباش,
«ەگەمەن قازاقستان»
اتىراۋ
