كەزدەسۋدە ا.سەرگەەۆ قازاقستان حالقىنىڭ ىستىق ىقىلاسىنا ريزاشىلىعىن جەتكىزدى.
«ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ستۋدەنتتەرگە ءدارىس وقىپ, اتالعان وقۋ ورداسىنىڭ قۇرمەتتى پروفەسسورى اتاندىم. بۇل – مەن ءۇشىن باقىت. كەلەلى كەزدەسۋلەرمەن باستالعان بۇل ساپارىم تولايىم تابىستارعا تولى بولارىنا سەنىمدىمىن. ەكى ەل اراسىندا عىلىم سالاسىنا بايلانىستى بارلىق ءتيىستى قۇجاتقا قول قويىلىپ, ەكى جاقتىڭ عالىمدارى بىرىگىپ اتقاراتىن بىرەگەي جوبالاردى بەكىتكەننەن كەيىن ونى ەل نازارىنا ۇسىناتىن بولامىز. ەگەر جالپىلاما قارايتىن بولساق, قوس مەملەكەتتىڭ دە عىلىمى ەلدىڭ ەكونوميكاسىن ىلگەرىلەتۋگە ۇلەس قوسىپ كەلەدى. رەسەيدە 2 جىل بۇرىن مەملەكەتتىڭ عىلىمي-تەحنيكالىق دامۋىنىڭ ستراتەگياسى قابىلداندى. بۇل نارىققا شىعاتىن ءونىمنىڭ نەگىزگى قۇرىلىمىن, زيانى مەن پايداسىن جان-جاقتى زەرتتەۋگە مۇمكىندىك بەرەدى. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنە بارعانىمدا قازاقستان عىلىمىنىڭ قارىشتاپ دامىپ كەلە جاتقانىنا كوز جەتكىزدىم. بىلىمگە قۇشتار ستۋدەنتتەردى كورىپ, عىلىمنىڭ كەلەشەگى جارقىن بولارىنا سەنىمىم بەكي ءتۇستى», دەدى رەسەي عىلىم اكادەمياسىنىڭ پرەزيدەنتى ا.سەرگەەۆ.
قازاقستان ۇلتتىق عىلىم اكادەمياسىنىڭ پرەزيدەنتى م.جۇرىنوۆ رەسەي عىلىم اكادەمياسىنىڭ ۇجىمىمەن جانە رەسەيلىك عالىمدارمەن ەجەلدەن ەتەنە بايلانىس ورناتىلعانىن ايتتى. سونداي-اق عىلىم سالاسىنداعى تۇيتكىلدى ماسەلەلەردى بۇعان دەيىن الەمدىك اۋقىمدى اۋديتوريالاردا تالقىعا سالىپ جۇرگەندىكتەرىن تىلگە تيەك ەتىپ, بۇل جۇمىستار ءارى قاراي دا جالعاسىن تاباتىنىن جەتكىزدى.
راۋان قايدار,
«ەگەمەن قازاقستان»
