وقيعا ورنىنا جەتكەن ماڭعىستاۋ وبلىستىق تاريحي-مادەني قورىق قىزمەتكەرلەرىنىڭ ايتۋىنشا, جەرلەۋ ورنىنان بارلىعى التى قاڭقا تابىلعان. ونىڭ ءبىرى – ءسابي سۇيەگى بولسا, ۇشەۋى بىرگە جەرلەنگەن جاسوسپىرىمدەر سۇيەگى بولۋى مۇمكىن. ال ءۇشىنشى قۋىسقا ايەل ادامنىڭ, ءتورتىنشى قۋىسقا ەر ادامنىڭ قاڭقالارى جەرلەنگەن.
- الدىن الا انىقتاۋ بويىنشا بۇل كاتاكومبالىق جەرلەۋ كەشەنى بولىپ تابىلادى. ارحەولوگتاردىڭ پىكىرى بويىنشا, ترانشەيانىڭ بويىنان 8 كاتاكومبانىڭ ەسىگى كورىنەدى. سونداي-اق, ارحەولوگيالىق تازالاۋ جۇمىستارى كەزىندە بىرنەشە قاڭقالار تابىلدى. ەسكەرتكىش تۋرالى ناقتى اقپارات بەرۋ قيىن, الايدا الدىن-الا بولجام بويىنشا, جەرلەۋ راسىمدەرىنە سايكەس اتالعان جەرلەۋ ورنى ءبىزدىڭ زامانىمىزدىڭ 1-8 عاسىرلارى ارالىعىنا تيەسىلى بولۋى مۇمكىن, دەيدى ماڭعىستاۋ وبلىستىق تاريحي-مادەني قورىعىنىڭ ارحەولوگيا جانە ارحيتەكتۋرا ءبولىمىنىڭ جەتەكشىسى بەكبولات تولەگەن ۇلى.
ارحەولوگ ا.استافەۆ پەن رەسەيلىك مامان ە.بوگدانوۆ جاڭا ارحەولوگيالىق نىساننىڭ ققولداۋ بولىپ, تىڭعىلىقتى ءارى تەرەڭ زەرتتەۋ جۇمىستارى جۇرگىزىلسە بۇل ەسكەرتكىشتەر ارقىلى ماڭعىستاۋ تاريحىنا قاتىستى جاڭا, تىڭ پاراقتار اشىلۋى مۇمكىن ەكەندىگىن ايتادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
