بەرىلگەن مالىمەتتەرگە سايكەس, ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنىڭ جوسپارلى كورسەتكىشتەرى ورىندالعانى اتالىپ ءوتتى. سونىمەن قاتار, پرەمەر-مينيستر بارلىق وڭىرلەرگە باعدارلامانى ىسكە اسىرۋ جۇمىستارىن جانداندىرۋدى تاپسىردى.
ەڭبەك جانە حالىقتى الەۋمەتتىك قورعاۋ مينيسترلىگى ۇلتتىق ەكونوميكا, اۋىل شارۋاشىلىعى مينيسترلىكتەرىمەن بىرلەسىپ, نىسانالى توپتاردى, اتاپ ايتقاندا جۇمىسسىزدار مەن ءوزىن-ءوزى جۇمىسپەن قامتىعان ادامداردىڭ تابىسىن ارتتىرۋ ءۇشىن ازاماتتاردى ءونىمدى جۇمىسپەن قامتۋعا تارتۋ بويىنشا قابىلدانىپ جاتقان شارالاردىڭ اسەرىنە مونيتورينگ جۇرگىزۋ جۇيەسىن جولعا قويۋى كەرەكتىگى تاپسىرىلدى.
ەڭبەك جانە حالىقتى الەۋمەتتىك قورعاۋ مينيسترلىگى «اتامەكەن» ۇكپ جانە وڭىرلەرمەن بىرىگىپ «بيزنەس-باستاۋ» جوباسىمەن ءبىلىمىن جەتىلدىرگەندەردى شاعىن نەسيەمەن قامتۋ ماسەلەسىنە ەرەكشە نازار اۋدارۋى كەرەك.
بۇدان بولەك, باعدارلامانىڭ ورىندالۋىن جەكە وڭىرلىك جۇمىسپەن قامتۋ باعدارلامالارى, ونىڭ ىشىندە بيۋدجەتتىك قاراجاتتىڭ تيىمدىلىگى تۇرعىسىندا ىسكە اسىرىلۋىن ەسكەرە وتىرىپ تالداۋ جاساۋ تاپسىرىلدى.
ب. ساعىنتاەۆ ۇكىمەت مۇشەلەرىنە وزەكتەندىرىلگەن باعدارلامانىڭ تيىمدىلىگى تۇرعىنداردىڭ تابىسىنىڭ وسىمىنەن دە باعالانۋى ءتيىس ەكەندىن ەسكە سالدى.
