ونكولوگيالىق جەدەل جاردەم – بۇل الماتىداعى قاتەرلى ىسىككە شالدىققان, ۇيلەرىندە اۋىر حالدە جاتقان بالالارعا بارىپ قىزمەت كورسەتەتىن جالعىز ورتالىق.
«قازىر «مەن سەنىمەن بىرگەمىن!» ءحوسپيسىنىڭ قامقورلىعىندا 238 بالا بار. بۇل بالالاردىڭ 12-ءسى عانا ورتالىقتا ەم الۋدا. قالعاندارىنا ۇيلەرىنە بارىپ مەديتسينالىق جاردەم بەرىپ وتىرۋعا تۋرا كەلەدى. كۇن سايىن ونكولوگيالىق جەدەل جاردەم قىزمەتى بالالارعا مەديتسينالىق قانا ەمەس, ماتەريالدىق, پسيحولوگيالىق ءارى الەۋمەتتىك كومەك بەرەدى. سوندىقتان حوسپيستىڭ قارجىلىق قولداۋ تاۋىپ وتىرۋى اسا ماڭىزدى. وسى تۇرعىدان كەلگەندە ءبىز اكتسيانى جۇرگىزگەن Henkel كومپانياسى مەن «MagnumCash&Carry» ساۋدا جەلىلەرى جانە بارشا ساتىپ الۋشىلارعا ريزامىز. وسى شارانىڭ ارقاسىندا بالالار ءحوسپيسى جۇمىسىن توقتاتپايدى, – دەيدى «سالاماتتى ازيا» قورى ديرەكتورىنىڭ ورىنباسارى يگور فەدورەنكو.
ەڭ باستى قازىر «مەن سەنىمەن بىرگەمىن!» حوسپيسىنداعىلار ونكولوگيالىق اۋرۋدان ايىعىپ كەتۋگە بولاتىنىن بىلەدى. مىسالى, 2017 جىلى دەرتىن جەڭگەن 72 بالا ەسەپتەن شىعارىلدى. قازىر حوسپيس «قايسارلىق قورابى» جوباسى ءۇشىن ويىنشىقتار مەن قاراجات جيناۋدا. بۇل باستاماعا ۇيىتقى بولۋشىلار «قايسارلىق قورابىنان» شىققان ويىنشىقتار بالالارعا اۋىر ەمدىك پروتسەدۋلار مەن ۇلكەن اپپاراتتارعا تەكسەرىلەر الدىندا الداندىرادى, كۇش-قۋات بەرەدى جانە قۋانىش سىيلايدى دەپ بىلەدى.
سوندىقتان دا «Henkel» مەن «MagnumCash&Carry» قىزمەتكەرلەرى كەزەكتى رەت جوبانى جالعاستىۋ قاجەت دەپ شەشىپ, ونىڭ ناتيجەلى بولۋىنا كۇش سالدى.
سونىمەن «سەن+ Henkel + Magnum =مەيىرىم» اكتسياسى 9 تامىز بەن 5 قىركۇيەك اراسىندا ءجۇردى. Henkel كومپانياسىنىڭ قازاقستانداعى بۇكىل «MagnumCash&Carry» دۇكەندەرىندە ساتىلعان ءاربىر تاۋارىنان 50 تەڭگە تۇراقتى تۇردە «سالاماتتى ازيا» قورىنا «مەن سەنىمەن بىرگەمىن!» بالالار ءحوسپيسى ءۇشىن اۋدارىلىپ وتىردى.
– اكتسيا اياسىندا 2015 جىلى جينالعان قاراجاتقا بالالار ۇيلەرىنە بەرىلىپ, مەكتەپكە باراتىن كيىم-كەشەكتەر الىندى. 2016 جىلى بالالار ۇيلەرىنە 170 سپورتتىق كوستيۋمدەر اپەردىك. وتكەن جىلى جينالعان 2 ميلليون تەڭگە قاتەرلى ىسىككەن شالدىققان قىز بالاعا كۇردەلى وتا جاساتۋ ءۇشىن «مەيىرىمدىلىك ەرىكتى قوعامى» قوعامدىق قورىنا بەرىلدى. ءبىز اۋىر ناۋقاسقا ۇشىراعان كىشكەنتاي قىزعا جاسالعان وتا ءساتتى وتكەنىنە وتە قۋاندىق. بۇل قاراجات ءبىر ادامنىڭ بولسا دا ومىرىنە اراشا بولا الدى. بيىل جينالعان اقشا الماتى ونكولوگيالىق بالالار حوسپيسىنىڭ كادەسىنە جاراتىلىپ, جاردەم بولادى, – Henkel كومپانياسىنىڭ شەشۋشى كليەنتتەرى جونىندەگى ۇلتتىق مەنەدجەرى گلەب ابدۋللين.
ايناش ەسالي,
«ەگەمەن قازاقستان»
الماتى
