حVIII ازيا ويىندارىنا وڭىردەن 12 سپورتشى قاتىسىپ, 6 مەدالمەن ورالدى. ۆەلوشاباندوز الەكسەي لۋتسەنكو كوماندالىق جانە جەكە جارىستا جەڭىمپاز اتانىپ, ەكى التىن مەدال يەلەندى. ول سونىمەن قاتار 2018 جىلدىڭ قورىتىندىسى بويىنشا ازيانىڭ ۇزدىك ۆەلوشاباندوزى بولدى.
جەڭىل اتلەتشى, ازيا ويىندارىنىڭ 4 دۇركىن جۇلدەگەرى مارگاريتا مۋكاشەۆا دجاكارتادان كۇمىس مەدالمەن ورالدى. بالاسى بىرگە ەندى عانا تولعان جەلمەن جارىسقان جەلاياقتىڭ بۇل جەتىستىگىن قۇمار ىرگەباي ۇلى ۇلكەن ەرلىككە تەڭەدى. ءبىىر قولا جۇلدە جەڭىل اتلەتشى ميحايل ليتۆينگە بۇيىردى. ارتەم زاحاروۆ ەكى قولا مەدالدى ەنشىلەدى.
سپورتشىلار پاراازيالىق ويىنداردان دا ولجالى ورالدى. 47 جاستاعى سەرگەي حارلاموۆ ۇزىندىققا سەكىرۋدەن قولا مەدال جەڭىپ الدى. قازاقستاندىق سپورتشىلاردىڭ قورجىنىنا تاعى ءبىر قولا جۇلدەنى يادرو لاقتىرۋدان يۆان زالەزنياك سالدى.
ق. اقساقالوۆ ەلىمىزدىڭ نامىسىن قورعاعان, يندونەزيا تورىندە كوك تۋىمىزدى جەلبىرەتكەن سپورتشىلارعا وبلىس تۇرعىندارى اتىنان شىنايى العىسىن ءبىلدىردى.
جاتتىقتىرۋشىلارعا دا اقشالاي سىياقىلار تابىس ەتىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
