قاتىسۋشىلار ەلدە جانە الەمدە بولىپ جاتقان ماڭىزدى وقيعالاردى ادەمى ازىلمەن استارلاپ جەتكىزۋگە تىرىستى. سونداي-اق, قوعامداعى مەملەكەتتىك ءتىل پروبلەماسىن قالجىڭمەن شەبەر كوتەرە ءبىلدى.
شاراعا قاتىستى قازاقستان كۆن وداعى رەسپۋبليكالىق جاستار قوعامدىق بىرلەستىگىنىڭ پرەزيدەنتى ەسەن ەلەۋكەن:
– بۇل شارا كومپانيانىڭ مەملەكەتتىك تىلگە دەگەن قۇرمەتىن, جاستار اراسىنداعى, كومپانياداعى قىزمەتكەرلەردىڭ ءبىر-بىرىمەن ەمەن-جارقىن بايلانىسىن كورسەتەدى دەگەن ويدامىن. وتە جاقسى يدەيا, جاقسى ءىس-شارا. ۇزاعىنان بولعاي,– دەگەن پىكىر ءبىلدىردى.
كومپانيا قىزمەتكەرلەرىنىڭ ايتۋىنشا, بۇنداي ورتاق شارا ارىپتەستەر اراسىنداعى قارىم-قاتىناستى جاقسارتۋعا سەپتىگىن تيگىزەدى.
«ەنەرگوينفورم» اق قىزمەتكەرى نۇرلان قۇنافين:
– بۇل شارا, بىرىنشىدەن, ۇجىمدىق رۋحتى كوتەرەدى. ەكىنشىدەن, كومپانياداعى مەملەكەتتىك ءتىلدىڭ قولدانىلۋ اياسىن, مارتەبەسىن كوتەرەدى. بيىل 9 فيليالدان 9 كوماندا قاتىستى, وتە قىزىقتى شارا بولدى,– دەيدى.
بايقاۋ قورىتىندىسى بويىنشا الماتى قالاسىنان كەلگەن «APORT KEGOC» كومانداسى باس جۇلدەنى جەڭىپ اتاندى. جۇلدەلى ءبىرىنشى ورىن «نۇر ەنەرگوينفورم» ويىنشىلارىنا بۇيىرسا, ەكىنشى ورىندى «شىعىس جەت» فيليالى, ال ءۇشىنشى ورىندى «اقتوبە جەت» فيليالىنىڭ ويىنشىلارى يەلەندى. جەڭىمپاز كوماندا مەن جۇلدەگەرلەر كومپانيا تاراپىنان سىي-سياپاتتارعا يە بولدى.
ەركەجان ايتقازى,
«ەگەمەن قازاقستان»
