وندا 5 جاستاعى بالالاردىڭ مەكتەپالدى دايارلىعى مەكتەپكە دەيىنگى ءبىلىم بەرۋ ۇيىمدارىنىڭ ساناتىنا جاتاتىندىعى, ال 5 جاستاعى نولدىك سىنىپ جالپى ءبىلىم بەرەتىن ۇيىمدار ساناتىنا جاتپايتىندىعى كورسەتىلگەن. بۇل ء«بىلىم تۋرالى» زاڭنىڭ تالاپتارىنا ساي كەلمەيتىندىكتەن, وسى نولدىك سىنىپتاردىڭ باعدارلامالارى مەكتەپتەردە قالاي جۇزەگە اسىرىلىپ جاتقانى تۋرالى سۇراقتار تۋىنداعان بولاتىن.
ۇكىمەتتىڭ ءبىزدىڭ دەپۋتاتتىق ساۋالىمىزعا 2017 جىلعى 20 قازاندا بەرگەن جاۋابىندا: «بۇگىنگى كۇنى 12 جىلدىق ءبىلىم بەرۋدى ەنگىزۋدىڭ ناقتى قۇرىلىمى مەن الگوريتمى تۇپكىلىكتى انىقتالعان جوق جانە قارالۋ ساتىسىندا... 12 جىلدىق ءبىلىم بەرۋگە كوشۋ الگوريتمىن 2017-2018 وقۋ جىلىنداعى سىناق قورىتىندىلارى بويىنشا جانە تۇپكىلىكتى شەشىم قابىلداۋ ءۇشىن بارلىق تاسىلدەردى پەداگوگيكالىق جانە اتا-انالار قوعامداستىعىمەن الدىن الا كەڭىنەن تالقىلاۋ جۇرگىزۋ جوسپارلانۋدا» دەلىنگەن.
پرەزيدەنت ن.نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا قويىلعان مىندەتتەردى ىسكە اسىرۋ اياسىندا ءبىلىم بەرۋ ساپاسىن حالىقارالىق ستاندارتتارعا سايكەس تۇبەگەيلى جاقسارتۋ كەرەكتىگىنە باسا نازار اۋدارعان. وسىعان وراي جانە اتالعان سىناقتىڭ ناتيجەلەرى مەن قورىتىندىلارى تۋرالى جاريالىلىقتىڭ جوقتىعى, سونداي-اق وسى ماسەلەگە ءبىلىم سالاسى ماماندارىنىڭ ءارتۇرلى كوزقاراستارى بىرقاتار ساۋالدار تۋعىزىپ وتىر. اتاپ ايتقاندا:
1. بۇگىنگى كۇنى 5 جاسار بالالارعا ارنالعان نولدىك سىنىپتار مەكتەپتەردە جانە مەكتەپكە دەيىنگى ءبىلىم بەرۋ ۇيىمدارىندا جۇمىس ىستەۋدە. ەگەر مەكتەپتەرگە ەنگىزىلگەن نولدىك سىنىپ جالپى ءبىلىم بەرەتىن ۇيىمداردىڭ ساناتىنا جاتپايتىن بولسا, وندا نولدىك سىنىپتىڭ مەملەكەتتىك ستاندارتتارى, باعدارلامالارى قالاي بەكىتىلىپ جاتىر؟
2. نولدىك سىنىپتا وقيتىن بالالاردىڭ وقۋ-ادىستەمەلىك قۇرالدارى قانداي قارجى كوزىنەن قارجىلاندىرىلىپ جاتىر, الدە اتا-انالار ەسەبىنەن بە؟
3. مەكتەپتەردە نولدىك سىنىپتاردىڭ ساباقتارىن مۇعالىم-پەداگوگ جۇرگىزەتىن بولسا, بالاباقشالاردا تاربيەشىلەر جۇرگىزەدى. سوندا بالاباقشاداعى جانە مەكتەپتەگى نولدىك سىنىپتاردا وقىعان بالالاردىڭ مەكتەپكە دايارلىق دەڭگەيى قانداي بولماق, وعان قاندايدا ءبىر تالداۋ جاسالدى ما؟
ءبىلىم جانە عىلىم مينيسترلىگىنىڭ ۇستانىمى بويىنشا 12 جىلدىق وقىتۋعا كوشۋ نولدىك سىنىپتى ەنگىزۋ ارقىلى جۇزەگە اسىرىلماقشى. دەمەك 5 جاستاعى بالالاردىڭ مەكتەپالدى دايارلىعى شىن مانىندە 12 جىلدىققا كوشۋدىڭ ءبىرىنشى سىنىبى بولىپ تابىلادى.
وكىنىشكە قاراي, قازىر مەكتەپالدى دايارلىق پەن باستاۋىش مەكتەپتىڭ ۇلگىلىك باعدارلاماسىنىڭ اراسىنداعى ساباقتاستىقتىڭ تۇجىرىمدامالىق نەگىزىنىڭ السىزدىگى, 12 جىلدىق ءبىلىم بەرۋدىڭ جاڭارتىلعان مازمۇنى جۇرتشىلىقتىڭ تۇسىنۋىنە قيىنشىلىقتار تۋعىزىپ وتىر. وسىنىڭ نەگىزىندە, ءبىز ۇكىمەت باسشىسىنا مىناداي ۇسىنىستار جاسادىق:
1) ءبىلىم جانە عىلىم مينيسترلىگى ۇسىنعان 12 جىلدىق وقىتۋعا كوشۋدىڭ 0+11 قۇرىلىمدىق سحەماسىن قولدانىستاعى ء«بىلىم تۋرالى» زاڭنىڭ تالاپتارىنا سايكەستەندىرۋ;
2) 12 جىلدىق ءبىلىم بەرۋگە كوشۋدىڭ ناقتى الگوريتمى تۋرالى پەداگوگتار مەن اتا-انالار اراسىندا جان-جاقتى ءتۇسىندىرۋ جۇمىستارىن جۇرگىزۋ.
ءابدىماناپ بەكتۇرعانوۆ,
ءماجىلىس دەپۋتاتى
