قازاقستان • 26 قازان، 2018

الماتى اكىمى ددسۇ ەۋروپالىق بيۋروسىنىڭ ديرەكتورىمەن كەزدەستى

226 رەت كورسەتىلدى

الماتى اكىمى باۋىرجان بايبەك جانە دۇنيەجۇزىلىك دەنساۋلىق ساقتاۋ ۇيىمى ەۋروپالىق بيۋروسىنىڭ ديرەكتورى جۋجاننا ياكاب مەگاپوليستە ءوتىپ جاتقان «سالاۋاتتى قالالار» ەۋروپالىق جەلىسى مەرلەرىنىڭ ءسامميتى اياسىندا ءوزارا ىنتىماقتاستىقتىڭ پەرسپەكتيۆالارىن تالقىلادى. الماتى قالاسى اكىمىنىڭ ءباسپاسوز قىزمەتىنىڭ مالىمەتتەرى بويىنشا،  جۋجاننا ياكاب  ددۇ-نىڭ الماتىمەن، جالپى قازاقستانمەن ىنتىماقتاستىعى دەڭگەيىن جوعارى باعالادى، سالاۋاتتى ءومىردى قالىپتاستىرۋ مەن دەنساۋلىق ساقتاۋ سالاسىن مودەرنيزاتسيالاۋدىڭ وڭ ناتيجەلەرىن اتاپ ءوتتى.

«جايلى قالا كەڭىستىگىن ارتتىرۋ، قوعامدىق كولىكتى دامىتۋ، ۆەلوسيپەدشىلەر جانە سپورتشىلار ءۇشىن قولايلى ينفراقۇرىلىمدى قالىپتاستىرۋ قالا تۇرعىندارىنىڭ دەنساۋلىعىن جاقسارتادى. جۇرگىزىلگەن زەرتتەۋلەر كورسەتكەندەي، قالانى  دۇرىس جوسپارلاۋ ونكولوگيالىق جانە جۇرەك- قان تامىرلارى اۋرۋلارى سالدارىنان بولاتىن ءولىم دەڭگەيىن ورتا ەسەپپەن 25%-عا قىسقارتادى ەكەن. الماتىنىڭ  تاجىريبەسى تەك قازاقستانعا عانا ەمەس، ەۋروپا ءوڭىرىنىڭ بىرقاتار قالالارىنا دا پايدالى»، -دەپ اتاپ وتكەن جۋجاننا ياكاب وسىدان 40 جىل بۇرىن قابىلدانعان الماتى دەكلاراتسياسىنا سايكەس العاشقى مەديتسينالىق-سانيتارلىق كومەك كورسەتۋدەدىڭ وزەكتى ەكەندىگىن ءارى حالىقارالىق ماڭىزدىلىعىن اتاپ ءوتتى. ددسۇ قالامەن  ىنتىماقتاستىقتى كەڭىنەن دامىتۋدى جوسپارلاۋدا جانە قالا تۇرعىندارىنىڭ سالاۋاتتىلىعىن جاقسارتۋداعى جۇمىستى ودان ءارى جالعاستىراتىن بولادى.

«مەملەكەت باسشىسىنىڭ جولداۋىندا ەلىمىزدىڭ ودان ءارى دامۋىنا ىقپال ەتەتىن قالالاردى تۇراقتى ورىستەتۋگە ەرەكشە ءمان بەرىلگەن. جايلى جانە ەكولوگيالىق قالا كەڭىستىگىن، ەىدۇ ەلدەرىندەگىدەي ساپالى ءبىلىم  مەن دەنساۋلىق ساقتاۋ قىزمەتىن قالىپتاستىرۋ ءبىزدىڭ باستى باعىتتارىمىزدىڭ ءبىرى بولىپ تابىلادى. وسى ورايدا ساپالى، جوعارى دامىعان مەديتسينالىق قىزمەت كورسەتۋدەگى  وزگە قالالاردىڭ وزىق تاجىريبەلەرى بىزگە وتە قىزىق»، - دەپ اتاپ ءوتتى باۋىرجان بايبەك.

الماتى اكىمى بىرقاتار ەكىجاقتى كەزدەسۋلەر وتكىزدى، ونىڭ ىشىندە رەسەيدىڭ ۆولوگود وبلىسىنىڭ گۋبەرناتورى ولەگ كۋۆشيننيكوۆپەن، فرانتسيانىڭ رەنن، نيدەرلاندتىڭ  ۋترەحت قالالارىنىڭ باسشىلارىمەن جۇزدەستى.

ەلۆيرا سەرىكقىزى،

«ەگەمەن قازاقستان»

 

الماتى

سوڭعى جاڭالىقتار

COVID-19 ادامنان يتكە جۇققان

كوروناۆيرۋس • بۇگىن، 14:15

قيىن كەزەڭ ارتتا قالدى - مينيستر

قازاقستان • بۇگىن، 11:14

جىراقتا وتكەن جيىرما جىل

وقيعا • بۇگىن، 08:16

وليمپيادا رەيتينگى جاڭاردى

سپورت • بۇگىن، 07:52

3ZHAŃAÁDET چەللەندجى

قوعام • بۇگىن، 07:42

ءومىردىڭ جالىنان ۇستاعان...

رۋحانيات • بۇگىن، 07:39

احاڭدى الاڭداتقان حلۋدوۆ

تانىم • بۇگىن، 07:35

قيال قۇشاعىنداعى ايشا

قوعام • بۇگىن، 07:23

ادىلدىكتەن اسقان ابىروي جوق

رۋحانيات • بۇگىن، 07:20

توي تويعا ۇلاسا ما؟

قوعام • بۇگىن، 07:18

ماسك نەگە مارسقا اسىعادى؟

قوعام • بۇگىن، 07:14

ۇقساس جاڭالىقتار