ەلوردادا وتكەن «باسپاسوزگە جازىلۋشىلار كۇنى» مەرەكەلىك شاراسىنا قاتىسقان «ەگەمەن قازاقستان» گازەتى بيىل دا جازدىرىپ الۋشىلارعا ءوز تارتۋ-تارالعىسىن الا بارىپ, بەلسەندى وقىرماندارىمىزعا «ەگەمەن قازاقستان» كىتاپحاناسى» سەرياسىمەن شىققان كىتاپتارىن سىيلادى. سونداي-اق جىردان شاشۋ شاشىپ, جينالعان كوپشىلىك قاۋىمعا عاسىرمەن ۇندەسكەن باس باسىلىمنىڭ اق تىلەگىن ارنادى.
«جازىلۋشىلار كۇنىن ءبىز 1993 جىلدان باستاپ ءداستۇرلى تۇردە اتاپ وتەمىز. بيىل «قازپوشتا» 25-كە تولىپ وتىر. بۇگىنگى شارانىڭ ەرەكشە سيپاتتا ءوتۋى وسىمەن دە بايلانىستى» - دەدى سالتاناتتى جيىندا ءسوز العان «قازپوشتانىڭ» استاناداعى فيليالى ديرەكتورىنىڭ ورىنباسارى اسەل سىزدىقوۆا.
مەرەكەلىك شاراعا 11 گازەت-جۋرنال, اتاپ ايتقاندا, «ەگەمەن قازاقستانمەن» بىرگە «كازاحستانسكايا پراۆدا», «استانا اقشامى», «سپورت», «National Geografic», «قازاقستان ايەلدەرى» جانە باسقا دا باسىلىمدار قاتىستى. شارا بارىسىندا رەداكتسيا وكىلدەرى «قازپوشتانى» شيرەك عاسىرلىق تويىمەن قۇتتىقتاپ, گازەت-جۋرنالداردى وقىرمانعا جەتكىزۋدە ماڭىزدى ءرول اتقاراتىن مەكەمە قىزمەتكەرلەرىنىڭ جۇمىسىنا تابىس تىلەدى.
قارلىعاش قۇرامىس,
«ەگەمەن قازاقستان»
