ءىس-شاراعا ۇلتتىق ەكونوميكا ءمينيسترى تيمۋر سۇلەيمەنوۆ, «Esquire Kazakhstan» باسىلىمىنىڭ شەف-رەداكتورى گۇلنار باجكەنوۆا, «ستراتەگيا» الەۋمەتتىك جانە ساياسي زەرتتەۋلەر ورتالىعى» قوعامدىق قورىنىڭ وكىلى گۇلميرا ەلەۋوۆا, ءماجىلىس دەپۋتاتى امانجان جامالوۆ, «اتامەكەن» ۇلتتىق كاسىپكەرلەر پالاتاسى جاپپاي كاسىپكەرلىك جانە شاعىن نەسيەلەۋ دەپارتامەنتىنىڭ ديرەكتورى باۋىرجان ورازعاليەۆ قاتىستى. ءداستۇر بويىنشا باسقوسۋدىڭ مودەراتورى مىندەتىن «تالاپ» قولدانبالى زەرتتەۋ ورتالىعىنىڭ ديرەكتورى راحىم وشاقباەۆ اتقاردى.
پىكىرتالاس وتىرىسىن اشقان «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ ەلباسىنىڭ جولداۋىن جۇزەگە اسىرۋ ەلىمىزدىڭ كۇن تارتىبىندە تۇرعان باستى مىندەت ەكەنىن ايتىپ, بۇل قۇجات ءار قازاقستاندىقتىڭ الەۋمەتتىك جاعدايىن جاقسارتۋعا باعىتتالعانىنا نازار اۋداردى. سونداي-اق ول «نۇر وتان» پارتياسىنىڭ جولداۋ باسىمدىقتارىنىڭ جۇزەگە اسىرىلۋىنا قوعامدىق باقىلاۋ جۇرگىزەتىنىن تىلگە تيەك ەتىپ, وسى باعىتتاعى ءتيىمدى تەتىكتەرگە توقتالىپ ءوتتى.
– ەلباسى جولداۋىندا قوعامدا قىزۋ تالقىلانىپ, بۇقارالىق اقپارات قۇرالدارى مەن الەۋمەتتىك جەلىلەردە ءجيى كوتەرىلىپ جۇرگەن وزەكتى ماسەلەلەردىڭ ناقتى شەشىمدەرى كورسەتىلگەن. سونىڭ ىشىندە باسپانا ماسەلەسى, شاعىن جانە ورتا بيزنەس, تۇرعىن ءۇي-كوممۋنالدىق شارۋاشىلىعىنداعى تاريفتەردى شەكتەۋ, ازاماتتاردىڭ قاۋىپسىزدىگى سياقتى كوپتەگەن ماسەلە قامتىلعان. بۇل ماسەلەلەر ءۇشىن ءبىرىنشى كەزەكتە ۇكىمەت, مەملەكەتتىك ورگاندار جانە اكىمدەر جاۋاپتى بولعانىمەن, ازاماتتىق قوعام, ۇكىمەتتىك ەمەس ۇيىمدار جانە ساياسي پارتيالار دا ولاردىڭ وڭ شەشىلۋىنە مۇددەلى. سوندىقتان ەلباسى ايقىنداپ بەرگەن ماقسات-مىندەتتەرگە قول جەتكىزۋ ءۇشىن بۇكىل قوعام بولىپ جۇمىلۋدىڭ بەرەرى مول. وسى رەتتە ەلىمىزدەگى جەتەكشى ساياسي كۇش رەتىندە پارتيامىز جولداۋ باسىمدىقتارىن جۇزەگە اسىرۋدىڭ ءتيىمدى تەتىكتەرىن ازىرلەۋ جۇمىستارىنا بەلسەندى قاتىسۋعا جانە ءارى قاراي قوعامدىق باقىلاۋدى قامتاماسىز ەتۋگە دايىن, – دەدى م.اشىمباەۆ.
مەملەكەت باسشىسىنىڭ جولداۋىن جۇزەگە اسىرۋ ءۇشىن جالپىۇلتتىق ءىس-شارالار جوسپارى بەكىتىلگەنى بەلگىلى. سونىڭ اياسىندا شامامەن 100 ءىس-شارا وتكىزىلمەك. ولار: حالىق تابىسىنىڭ ءوسۋى, تۇرمىس ساپاسىن ارتتىرۋ, ءومىر سۇرۋگە جايلى ورتا قالىپتاستىرۋ, ازاماتتار سۇرانىسىنا بەيىمدەلگەن مەملەكەتتىك اپپارات, ءتيىمدى سىرتقى ساياسات جانە ءاربىر قازاقستاندىقتىڭ ەلىمىزدەگى وزگەرىستەر ۇدەرىستەرىنە اتسالىسۋى سياقتى 6 باعىت بويىنشا ىسكە اسىرىلماق.ەلباسى باستامالارىنىڭ قارجىلىق كولەمى 1,5 تريلليون تەڭگەدەن اسادى. ال جيىنتىق اسەرى ودان دا كوبىرەك.
وسىعان وراي پرەزيدەنت اكىمشىلىگىندە ەلباسى تاپسىرمالارىنىڭ ورىندالۋىن قاتاڭ باقىلاپ, تەكسەرىپ, جۇيەلى جۇزەگە اسىرىلۋىن تالاپ ەتەتىن جانە سول بويىنشا مەملەكەت باسشىسىنا ەسەپ بەرەتىن ۇلتتىق جاڭعىرۋ كوميتەتىن قۇرۋ جوسپارلانىپ وتىرعانى دا بەلگىلى. وتىرىستا بۇدان باسقا دا كوپتەگەن ۇتىمدى ۇسىنىس پەن ءتۇرلى پىكىر ايتىلدى. ونىڭ توقەتەرىن ەلباسى جولداۋىنىڭ جۇزەگە اسىرىلۋىنا, وعان باقىلاۋ جۇرگىزۋ ىسىنە قوعامدى, ساراپشىلاردى, ۇكىمەتتىك ەمەس ۇيىمداردى, ساياسي پارتيالاردى, باسقا دا مۇددەلى قۇرىلىمداردى تارتۋدىڭ ماڭىزى زور دەگەن ءبىراۋىز سوزبەن تۇيىندەۋگە بولادى. «نۇر وتان» پارتياسى ءدال وسى باعىتتا بەلسەندى جۇمىس ىستەمەك.
قاتىسۋشىلار كوتەرىلگەن ماسەلەلەر بويىنشا ءوز وي-پىكىرلەرىن ورتاعا سالدى. ءىس-شارا داستۇرگە ساي ونلاين-رەجيمدە ءوتىپ, Facebook جەلىسىندە تىكەلەي ەفيردە كورسەتىلدى. وسى رەتتە پىكىرتالاس قورىتىندىسى بويىنشا ناقتى ۇسىنىستار پىسىقتالىپ, ولار ۇكىمەت, پارلامەنت جانە جەرگىلىكتى اتقارۋشى ورگاندارعا جولداناتىنىن اتاپ وتكەن ءجون.
جاقسىباي سامرات,
«ەگەمەن قازاقستان»
