الماتىدا ءماجىلىس توراعاسىنىڭ ورىنباسارى, «نۇر وتان» پارتياسى فراكتسياسىنىڭ جەتەكشىسى گۇلميرا يسيمباەۆا, دەپۋتاتتار گۇلنار ىقسانوۆا مەن ولگا شيشيگينا «ەفكو الماتى» زاۋىتىنا باردى.
كاسىپورىن ۇجىمىمەن كەزدەسۋ بارىسىندا گۇلميرا يسيمباەۆا كومپانيانىڭ باسەكەگە قابىلەتتى ءونىم شىعارۋ جانە ونى سىرتقى نارىققا جەتكىزۋ بويىنشا جەتىستىكتەرىن اتاپ ءوتتى.
ساپار اياسىندا دەپۋتاتتار «ۇلتتىق مەملەكەتتىك عىلىمي-تەحنيكالىق ساراپتاما ورتالىعى» اق-عا دا باردى. ورتالىقتىڭ جۇمىسى عىلىمي, عىلىمي-تەحنيكالىق جانە يننوۆاتسيالىق جوبالار مەن باعدارلامالار ساراپتاماسىن باسقارۋدىڭ, تاۋەلسىزدىگىنىڭ, اشىقتىعى مەن جاريالىلىعىنىڭ بىرىڭعايلىعىن قامتاماسىز ەتەدى.
ال تۇركىستان وبلىسىندا ءماجىلىس دەپۋتاتتارى مانسۇرحان ماحانبەتوۆ پەن ساكەن قانىبەكوۆ جانە سەرگەي زۆولسكي جولداۋدىڭ نەگىزگى باسىمدىقتارىن تەرەڭىرەك ءتۇسىندىرۋ ماقساتىندا «نۇر وتان» پارتياسى سايرام اۋداندىق فيليالىنىڭ اكتيۆىمەن كەزدەستى.
كەزدەسۋدە جولداۋدى جۇزەگە اسىرۋ بارىسىندا اتقارىلىپ جاتقان جۇمىستار جونىندە باياندالىپ, «نۇر وتان» پارتياسى سايرام اۋداندىق فيليالىنىڭ 2017-2018 جىلدارى اتقارىلعان جۇمىستارى تۋرالى اۋداندىق فيليالدىڭ ءبىرىنشى ورىنباسارى ماريا قالىباەۆانىڭ ەسەبى تىڭدالدى. جيىنعا پارتيا بەلسەندىلەرى, اتقارۋشى بيلىك وكىلدەرى مەن قۇقىق قورعاۋ مەكەمەلەرىنىڭ باسشىلارى, سونداي-اق قوعامدىق ۇيىم جەتەكشىلەرى مەن بۇقارالىق اقپارات قۇرالدارىنىڭ وكىلدەرى قاتىستى.
سونداي-اق سولتۇستىك قازاقستان وبلىسىنداعى جۇمىس ساپارى اياسىندا پارلامەنت ءماجىلىسىنىڭ دەپۋتاتتارى ساپار احمەتوۆ, پەتر شاراپاەۆ جانە بەرىك وسپانوۆ اققايىڭ اۋدانىنا باردى.
اۋدانداعى «پولتاۆسكوە» جشس قىزمەتكەرلەرىمەن, پولتاۆكا ورتا مەكتەبىنىڭ ۇجىمىمەن جانە اۋىل تۇرعىندارىمەن كەزدەسۋدە دەپۋتاتتار ەلباسى جولداۋىن تالقىلادى.
«پولتاۆسكوە» جشس ەڭبەك ۇجىمىمەن وتكەن ءىس-شارا ءونىم ەكسپورتىنىڭ كولەمىن ۇلعايتۋ جانە اگروونەركاسىپتىك كەشەننىڭ الەۋەتىن ىسكە اسىرۋ ماسەلەلەرىنە ارنالدى.
مۇعالىمدەردىڭ بەدەلى جانە بيۋدجەتتىك قىزمەتكەرلەردىڭ جالاقىسىن كوتەرۋ تۋرالى ماجىلىسمەندەر پولتاۆكا ورتا مەكتەبىنىڭ ۇجىمىمەن كەزدەسۋدە ايتتى.
اقپاراتتار «ەگەمەن قازاقستاننىڭ» وڭىرلەردەگى تىلشىلەرىنەن الىندى.
