مينيسترلىكتىڭ مىندەتتەرىنە ازاماتتىق قوعامنىڭ قاتىسۋى نەگىزىندە مەملەكەتتىك ساياساتتى ءتيىمدى تۇردە قالىپتاستىرۋ, ۇيلەستىرۋ جانە جۇزەگە اسىرۋ مىندەتى تۇر.
اۋىل شارۋاشىلىعى مينيسترلىگىنىڭ ءبىرىنشى ۆيتسە-ءمينيسترى ارمان ەۆنيەۆ جانە «قازاقستان ازاماتتىق اليانسىنىڭ» زاڭدى تۇلعالار بىرلەستىگىنىڭ پرەزيدەنتى اسىلبەك قوجاحمەتوۆ مەموراندۋمعا قول قويدى.
بۇل قادام جىل سايىنعى ەلباسى جولداۋىنداعى «اۋىل - ەل بەسىگى» تاپسىرماسىنىڭ ارنايى جوباسىن ورىنداۋ اياسىندا مەملەكەتتىك ورگاندار مەن ازاماتتىق قوعام كۇش-جىگەرىن بىرىكتىرۋگە باعىتتالعان. نەگىزگى ماقساتى اۋىلدىق ايماقتارداعى الەۋمەتتىك ورتانى جاڭعىرتۋ جانە اۋىلداعى ادام ەڭبەگىنىڭ جوعارعى مارتەبەسىن قوعاممەن مويىنداتۋ بولىپ تابىلادى.
اۋىلدىق ايماقتاردى تولىققاندى جانە ءتيىمدى جۇمىس ىستەتۋ ءۇشىن تۇرعىن ءۇي دەڭگەيى مەن ساپاسىن كوتەرۋ, اۋىز - سۋمەن جانە مەديتسينالىق قامتاماسىز ەتۋ, ءبىلىم بەرۋ, الەۋمەتتىك-مادەني ينفراقۇرىلىم, جولدار, كوممۋنيكاتسيا ( ينتەرنەت, بايلانىس) مەن باسقا دا جاعدايلار مىندەتتى شارتى بولىپ تابىلادى. سالالىق مينيسترلىك وكىلدەرى, جەرگىلىكتى اتقارۋشى ورگانداردىڭ جانە ازاماتتىق قوعام كوشباسشىلارى ودان ءارى ىنتىماقتاستىقتىڭ پەرسپەكتيۆالارىن تالقىلاۋ بارىسىندا وسى جانە باسقا دا مىندەتتەردى وزدەرىنە ماقسات رەتىندە قويدى.
24 قازان كۇنى اۋىلدىق ۇكىمەتتىك ەمەس ۇيىمدار اراسىندا الەۋمەتتىك جوبالار كونكۋرسىنىڭ قورىتىندىسى شىعارىلدى. بۇل كونكۋرس «قازاقستان ازاماتتىق اليانس» زتق ۇيىمداستىرۋىمەن قر قوعامدىق دامۋ مينيسترلىگىنىڭ قولداۋىمەن وتكىزىلدى. كوپ داۋىس جيناعان التى جوبانىڭ ارقايسىسىنا 100 000 تەڭگە كىشى گرانتى تابىستالدى.
«Astana AgroForum 2018» – بۇل جاھاندىق مەملەكەتتىك جوبا, باستى ماقساتى اوك سالاسىنداعى ەڭبەك ونىمدىلىگىن ارتتىرۋ جانە قايتا وڭدەلگەن اۋىل شارۋاشىلىعى ءونىمىنىڭ ەكسپورتىن الداعى 5 جىلدا 2,5 ەسە ۇلعايتۋ بولىپ تابىلادى.
