ءساندى كيىنگەن ستۋدەنتتەر گولليۆۋد جۇلدىزدارى سياقتى قىزىل كىلەمنىڭ ۇستىمەن ءجۇرىپ ءوتتى. ۋنيۆەرسيتەتكە وقۋعا جاڭا كەلگەن 1 كۋرس ستۋدەنتتەرى «Mainstream» بي توبىنىڭ, سيقىرشىلار ءوز ونەرىن دە تاماشالادى.
سوڭعى جىلدارى ۋنيۆەرسيتەت ماماندارىنىڭ ايتۋىنشا, وقۋ ورنىندا تەحنيكالىق ماماندىقتارعا وقۋعا تۇسۋشىلەردىڭ سانى ارتىپتى. بيىلعى جىلى قوسىمشا بولىنگەن 20 مىڭ گرانتتىڭ 11 مىڭى تەحنيكالىق ماماندىقتارعا باعىتتالعان.
سونىمەن قاتار, «سەرپىن» باعدارلاماسى بويىنشا ەلىمىزدىڭ بەس وڭىرىنەن كەلىپ وقىپ جاتقان 549 ستۋدەنت بار. بۇل كۇندەرى «سەرپىندىكتەر» 20 تەحنيكالىق ماماندىق بويىنشا ءبىلىم الۋدا.
وتكەن 2017-2018 وقۋ جىلىندا ۋنيۆەرسيتەتتىڭ 32 ستۋدەنتى گەرمانيا, چەحيا, رەسەيدە, پولشا مەن لاتۆيانىڭ وقۋ ورىندارىندا ءبىلىم الدى.
سالتاناتتى شارا سوڭىندا, 1-ءشى كۋرسقا قابىلداۋعا قاتىسقان بارلىق ستۋدەنتتەرگە ۋنيۆەرسيتەت رەكتورى گاۋھار احمەتوۆانىڭ قۇتتىقتاۋ حاتى وقىلدى. ستۋدەنتتەرگە سۇلۋلىق سالونى, ويىن كلۋبتارى, سپورت زالدارىنىڭ سەرتيفيكاتتارى تابىستالدى. وقۋ ورنىنداعى GQ» ستيلىندەگى ستۋدەنتتىك قابىلداۋدى ۇيىمداستىرۋعا كاسىپكەرلەر دەمەۋشىلىك جاسادى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: رۋفينا تورپيششەۆا
