جيىنعا ەلىمىزدىڭ مادەنيەت جانە سپورت مينيسترلىگى ءتىل ساياساتى كوميتەتىنىڭ توراعاسى قۋات بوراشەۆ, ا. بايتۇرسىن ۇلى اتىنداعى قازاق ءتىل ءبىلىمى ينستيتۋتىنىڭ ديرەكتورى ەردەن قاجىبەك, باكۋ مەملەكەتتىك ۋنيۆەرسيتەتىنىڭ پروفەسسورى, فيرۋزا اعاەۆا قاتىستى.
وبلىس اكىمىنىڭ ورىنباسارى مەيرام بەگەنتاەۆ ءسوز سويلەپ, رەسپۋبليكالىق دەڭگەيدەگى ماڭىزدى شاراعا قاتىسۋشىلارعا «لاتىنعا كوشۋ- زامان تالابى, ءارى ەل ءۇشىن ماڭىزدى ەكەنىن ايتىپ ءوتتى.
كوميتەت توراعاسى قۋات بوراشەۆتىڭ ايۋتىنشا, لاتىن قارپىنە كوشۋگە وراي, جالپى حالىقتىڭ ۇسىنىس-تىلەكتەرىنە وراي جاڭا نۇسقاسىنا قوسىمشا وزگەرىستەر مەن تولىقتىرۋلار ەنگىزىلدى. ارنايى ۇلتتىق كوميسسيا قۇرىلىپ, وتىرىستار وتكىزىلدى. ورفوگرافيالىق, ادىستەمەلىك, تەرمينولوگيالىق جانە اقپاراتتىق- تەحنولوگيالىق جۇمىس توپتارى قۇرىلدى.
- دايىندىقتى ۇيىمداستىرۋ كەزەڭى اياقتالدى, - دەيدى قۋات بوراشەۆ. - كەلەر جىلى ناقتى ىسكە كىرىسەمىز. 2019 جىلى دايارلىق سىنىپتار لاتىن گرافيكاسىنا كوشەدى, ال 2020 جىلى 1 سىنىپ وقۋشىلارى باستايدى. 2021-2025 جىلدار ارالىعىندا تولقۇجاتتارىمىز, نورماتيۆتىك-قۇقىقتىق اكتىلەر, مەملەكەتتىك باسىلىمدار لاتىن گرافيكاسىنا كوشىرىلەدى.
-14 قاراشا كۇنى لاتىن گرافيكاسى نەگىزىندە جالپىحالىقتىق العاشقى ديكتانت جازۋ ۇيىمداستىرىلادى. بارلىق وڭىرلەردە ءبىر مەزەتتە ساعات 11.00-دە ءبىر ساعات شاماسىندا ديكتانت جازۋ باستالادى. بارلىق وڭىرلەرمەن ونلاين بايلانىستا بولامىز, -دەدى قۋات بوراشەۆ.
سونىمەن بىرگە, «قازاق راديوسى» ارقىلى تىكەلەي ەفيردە تارالادى. EMLE.KZ سايتىندا ستۋدەنتتەر مەن جاستار ۇيلەرىندە وتىرىپ ديكتانت جازا الادى. قازىرگى تاڭدا رەسپۋبليكالىق ءتىل ساياساتى عالىمدارى وڭىرلەردى ارالاپ, جۇمىس ىستەۋدە.
فاريدا بىقاي,
«ەگەمەن قازاقستان»
پاۆلودار
