قازاقستاننىڭ نامىسىن قورعاعان اقمولا وبلىسىنىڭ تۋماسى مەرگەن ءبىلالوۆ وسى جارىستا كەرەمەت ونەر كورسەتىپ, سان ميلليون جانكۇيەردىڭ ىستىق ىقىلاسىنا بولەندى. العاشقى كەزدەسۋىندە قىتايلىق چجاو تسۋندى ءبىرىنشى راۋندتىڭ اياعىندا ۇرىپ شىققان ول جارتىلاي فينالدا وسى نۇسقا بويىنشا التىن بەلبەۋ يەگەرى بەلارۋسسيالىق ۆيتالي گۋركوۆپەن كۇش سىناستى. وسىدان ەكى جىل بۇرىن ءبىلالوۆ ءدال وسى اتاقتى سپورتشىدان جەڭىلگەن بولاتىن. ودان بولەك, گۋركوۆ ءبىزدىڭ ەلدىڭ باسقا دا ورەندەرىن بىرنەشە مارتە ۇتقان. ال بۇل جولى قانداسىمىز كەتكەن ەسەنى قايتارىپ, ايقىن جەڭىسكە قول جەتكىزدى. اقتىق ايقاستا مەرگەن اسپاناستى ەلىنىڭ تاعى ءبىر وكىلى چجان ياننان باسىم ءتۇسىپ, 75 كيلو سالماق دارەجەسى بويىنشا چەمپيوندىق اتاققا قول جەتكىزدى.
عالىم سۇلەيمەن,
«ەگەمەن قازاقستان»
