كەزدەسۋ بارىسىندا بالالاردىڭ قۇقىقتارىن قورعاۋ سالاسىنداعى ىنتىماقتاستىق ماسەلەلەرى, سونىڭ ىشىندە نەگىز بولاتىن حالىقارالىق كەلىسىمدەردى, ورنىقتى دامۋ ماقساتتارى جانە ايەلدەر مەن قىزداردىڭ قۇقىقتارىن كەڭەيتۋ بويىنشا گەندەرلىك تەڭدىك كۇن ءتارتىبىن ىسكە اسىرۋ, سونداي-اق قر ۇكىمەتى مەن يۋنيسەف-ءتىڭ جۇيەلى باعدارلامالارىن ورىنداۋ ماسەلەلەرى تالقىلاندى.
باقىتجان ساعىنتاەۆ يۋنيسەف-كە بالالاردىڭ قۇقىقتارىن قورعاۋ ماسەلەلەرىندە قولداۋ كورسەتكەنى ءۇشىن العىس ءبىلدىرىپ, قازاقستان ۇكىمەتىنىڭ حالىقارالىق جانە وڭىرلىك باستامالاردى قالىپتاستىرۋعا ءوز ۇلەسىن قوسۋعا ءازىر ەكەنىن جەتكىزدى.
بۇدان وزگە, ءوزارا ءىس-قيمىلدى جالعاستىرۋ كەلەشەگىنە نازار اۋدارىلدى. قازاقستان پرەزيدەنتى ن. نازارباەۆ كەلەسى جىلدى «قازاقستان جاستارىنىڭ جىلى» دەپ جاريالادى. وسىعان وراي, ۇكىمەت الدىندا تۇرعان مىندەتتەردىڭ ءبىرى — حالىقارالىق ۇيىمدار, ۇكىمەتتىك ەمەس سەكتور, زەرتتەۋ جانە اكادەميالىق توپتار, حالىقتىڭ ءالسىز توپتارىنىڭ قۇقىقتارىنا ەرەكشە كوڭىل بولە وتىرىپ بالالار قۇقىقتارىن قورعاۋ جونىندەگى قۇقىق قورعاۋ ۇيىمدارى تۇرىندەگى سەرىكتەستەرىنە قولداۋ كورسەتۋ.
(United Nations International Children’s Emergency Fund) بالالاردىڭ حالىقارالىق توتەنشە بالالار قورى دەپ اتالاتىن قور 1946 جىلعى 11 جەلتوقساندا ەكىنشى دۇنيەجۇزىلىك سوعىس كەزىندە زارداپ شەككەن بالالارعا كومەكتەسەتىن توتەنشە ۇيىم رەتىندە باس اسسامبلەيانىڭ شەشىمىمەن قۇرىلعان. قور ۋاقىتشا قۇرىلعان ەدى, الايدا 1953 جىلى بۇۇ قىزمەت اياسىن كەڭەيتىپ, وكىلەتتىك مەرزىمىن شەكسىز ۋاقىتقا ۇزارتتى.
1992 جىلعى اقپاندا بۇۇ بالالار قورى مەن دۇنيەجۇزىلىك دەنساۋلىق ساقتاۋ ۇيىمى بالالاردىڭ جاعدايىن باعالاۋ ءۇشىن تاۋەلسىز قازاقستانعا العاشقى ميسسياسىن ۇيىمداستىردى. بۇل ميسسيا يۋنيسەف-ءتىڭ قازاقستاندا قىزمەتىن باستاۋىنا نەگىز بولدى. 1994 جىلى قازاقستاندا يۋنيسەف وكىلدىگى اشىلعاننان كەيىن, قر ۇكىمەتى مەن يۋنيسەف جۇيەلى باعدارلامالارى بويىنشا جۇمىستار باستالدى.
1994 جىلعى اقپاندا اقش-قا رەسمي ساپارى اياسىندا قر پرەزيدەنتى ن. نازارباەۆ بۇۇ باس حاتشىسى ب. بۋتروس-گاليمەن كەزدەستى, بۇل كەزدە 1994 جىلى قر ۇكىمەتى راتيفيكاتسيالاعان العاشقى حالىقارالىق كەلىسىم بولعان بالالار قۇقىقتارى تۋرالى كونۆەنتسياعا قول قويىلدى.
2016 جىلعى قازاندا قازاقستان ۇكىمەتى مەن بۇۇ بالالار قورىنىڭ 2016–2020 جىلدارعا ارنالعان وپەراتسيالارىنىڭ نەگىزگى جوسپارىنا قول قويىلدى.
بيىل قور قر ۇكىمەتىمەن يۋۆەنالدى زاڭدى دامىتۋعا, بالالارعا مەيىرىمدى ءادىل سوت جۇيەسىن قالىپتاستىرۋعا, بالالارعا ارنالعان زاڭمەن بايلانىسقان الەۋمەتتىك قىزمەتتەر جۇيەسىن ەنگىزۋگە, بالالاردىڭ ستاتۋسىنا قاراماستان, ولارعا تەڭ مۇمكىندىكتەردى قامتاماسىز ەتۋگە باعىتتالعان باعدارلامالار مەن جوبالاردى ەلىمىزدە ىسكە اسىرۋ ارقىلى بەلسەندى ىنتىماقتاستىقتى جالعاستىردى. سونىمەن قاتار بۇل جوبالار بارلىق دەڭگەيدە بالالاردىڭ ءال-اۋقاتىنا مونيتورينگ جۇيەسىن ەنگىزۋگە, جاسوسپىرىمدەردىڭ پسيحيكالىق دەنساۋلىعىن جاقسارتۋ جانە ءوز-وزىنە قول جۇمساۋدىڭ الدىن الۋعا كومەك كورسەتۋ جۇيەسىن ەنگىزۋگە, قازاقستانداعى بالالاردىڭ جاڭا نەمەسە نازاردان تىس قالعان ماسەلەلەرىن انىقتاۋ ءۇشىن زەرتتەۋلەر جانە جاعدايلىق تالداۋدى جۇرگىزۋگە, بالالاردى قوسا العاندا الەۋمەتتىك جاعىنان ءالسىز توپتارمەن الەۋمەتتىك جۇمىستى كەڭەيتۋگە جانە تەرەڭدەتۋگە باعىتتالعان.
