وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى مۇرات يعاليەۆتىڭ مالىمەتى بويىنشا تۇرعىن ءۇي-كوممۋنالدىق شارۋاشىلىق وبەكتىلەرىنىڭ باسىم بولىگى ورتالىق جىلۋمەن قامتاماسىز ەتىلگەن.
- بيىل اتىراۋ جەو جۇيەلەرىنە بالىقشى ىقشام اۋدانىنداعى 47 كوپقاباتتى تۇرعىن ءۇي قوسىلدى. التى ءۇيدىڭ تۇرعىندارى بۇل قىزمەتتەن باس تارتىپ, گاز قازاندىقتارى ارقىلى جىلۋ الادى. سونداي - اق, ورتالىقتاندىرىلعان جىلۋمەن قامتاماسىز ەتۋگە نۇرسايا ىقشام اۋدانىنداعى 27 كوپقاباتتى تۇرعىن ءۇي قوسىلدى, قالعان 16 تۇرعىن ءۇيدى كەلەسى جىلى قوسۋدى جوسپارلاپ وتىرمىز, - دەدى مۇرات يعاليەۆ.
تىرشىلىكتى قامتاماسىز ەتۋ نىساندارىن قىسقى ماۋسىمعا دايىنداۋ ءۇشىن 8,4 ملرد تەڭگە ءبولىندى, ونىڭ 5,8 ملرد تەڭگەسى جەرگىلىكتى بيۋدجەتتەن. جىلۋ جانە ەلەكترمەن قامتاماسىز ەتەتىن كاسىپورىندار ۇلكەن جۇمىس اتقاردى. وبلىس بويىنشا 22,78 شاقىرىم جىلۋمەن جابدىقتاۋ جۇيەسى, 773,2 شاقىرىم ەلەكتر جەلىلەرى, 3 شاقىرىم سۋمەن جابدىقتاۋ جانە كارىز جۇيەلەرى جوندەلدى.
ءوڭىردى سۋمەن جابدىقتاۋ جۇيەسى بويىنشا ماڭىزدى شەشىم قابىلداندى. جاقىن ارادا بۇل جۇيەلەر «اتىراۋ سۋ ارناسى» كمك-نە بەرىلەتىن بولادى.
- نەگە ءبىز مۇنداي شەشىم قابىلدادىق؟ سۋ بەرۋدى ۇيىمداستىرۋ ءۇشىن سەنىمدى باسقارۋعا بەرىلگەن كوپتەگەن وبەكتىلەر ءتيىستى تۇردە جۇمىس ىستەمەيدى. تۇرعىندار قاجەتتى كولەمدە سۋ الا المايدى, سۋ جيناۋ ۇيىمداستىرىلعان جوق, پايدالانۋدا قيىندىقتار بار, جۇمىسقا تەحنيكالىق ساۋاتسىز ادامدار تارتىلادى. سوندىقتان, سۋمەن قامتاماسىز ەتۋ جۇيەلەرىن «اتىراۋ سۋ ارناسىنىڭ» مامانداندىرىلعان كاسىپورنىنىڭ تەڭگەرىمىنە بەرۋ تۋرالى شەشىم قابىلداندى, - دەپ اتاپ ءوتتى نۇرلان نوعاەۆ.
«قاز ترانسگاز ايماق» اق اتىراۋ وندىرىستىك فيليالىنىڭ ديرەكتورى ماقسوت ءابۋوۆ جىلۋ بەرۋ ماۋسىمىنا دايىندىعى تۋرالى بايانداپ, گازبەن جابدىقتاۋ جۇيەلەرىن پايدالانۋ قاۋىپسىزدىگى تۋرالى ماسەلە قوزعادى. بۇگىندە وڭىردە گاز تەحنيكالىق ينسپەكتسياسىن قۇرۋ ماسەلەسى وتكىر تۇر. مۇنداي ۇيىمدار ەلىمىزدىڭ بىرنەشە وبلىستارىندا عانا جۇمىس ىستەيدى. بۇل ماسەلەدە نورماتيۆتىك بازا بويىنشا نيۋانستار بار, ياعني وڭىرلەردە وسى قۇرىلىمداردى قۇرۋ پروتسەسىن سوزادى.
- ءبىز ادامداردىڭ قاۋىپسىزدىگى تۋرالى ويلاۋعا ءتيىسپىز. بۇل ءبىز ءۇشىن ەڭ باستىسى. ال ەرتەڭ تراگەديا بولسا؟ گاز تەحنيكالىق ينسپەكتسيانى قىسقا مەرزىمدە دا قۇرۋ قاجەت. ەگەر زاڭنامالىق بازادا پروبلەمالىق ماسەلەلەر بولسا, ءبىز ماسەلەنى دەپۋتاتتار ارقىلى شەشۋىمىز كەرەك, - دەپ اتاپ ءوتتى وبلىس اكىمى.
كەڭەستە سونداي-اق وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى, «قازاۆتوجول» اتىراۋ فيليالىنىڭ وكىلى ءسوز سويلەدى. بايانداماشىلار قابىلدانعان شارالار تۋرالى, جەرگىلىكتى جانە رەسپۋبليكالىق اۋقىمداعى اۆتوتراسسالارداعى قىسقى كەزەڭگە دايىندىق تۋرالى ايتتى.
- ءسىزدىڭ بايانداماڭىز بويىنشا ءوڭىر قىسقى مەرزىمگە دايىن دەپ شەشىم قابىلداۋعا بولادى. ول قيىندىقتارسىز جانە توتەنشە جاعدايلارسىز ءوتۋى ءتيىس. تاعى دا ەسكە سالىپ وتەيىن, تۇرعىنداردىڭ قاۋىپسىزدىگى - ءبىزدىڭ باستى باسىمدىعىمىز. بارلىق قىزمەتتەر توتەنشە جاعدايلار تۋىنداعان كەزدە جەدەل جانە ۇيلەسىمدى ارەكەت ەتۋى ءتيىس, - دەپ قورىتىندىلادى نۇرلان نوعاەۆ.
