ر. كيم جولداۋدا زامان سىنىنا تەگەۋرىندى ءىس-قيمىلداردىڭ كەشەندى شارالارى جان-جاقتى قامتىلعانىن, تۇپكى ماقسات تۇرعىنداردىڭ ءال-اۋقاتىن, تۇرمىس ساپاسىن ارتتىرۋ بولىپ قالا بەرەتىنىن جەتكىزدى. ا. قوڭىروۆ ۇكىمەتتىك دەڭگەيدە قابىلدانعان ءۇش جىلدىق باعدارلاما بويىنشا وبلىسقا جىل سايىن 30 ميلليارد تەڭگە بولىنەتىنىن, وسىعان وراي مول قاراجاتتى ءتيىمدى جۇمساۋدىڭ مەحانيزمدەرىن ويلاستىرۋ, باقىلاۋدى كۇشەيتۋ قاجەتتىگىن اتاپ كورسەتتى. قاراشا ايىندا وتەتىن قازاقستان مەن رەسەي اراسىنداعى وڭىرارالىق ىنتىماقتاستىق فورۋمى قارساڭىندا وبلىس اۋماعىندا ەڭسەلى الەۋمەتتىك, مادەني, سپورت نىساندارى, باسپانالار قارقىندى تۇرعىزىلۋدا. جايلىلىق دەگەنىمىز–ەڭ الدىمەن, تۇرعىن ءۇيدىڭ قولجەتىمدىلىگى, اۋلانىڭ ادەمىلىگى مەن قاۋىپسىزدىگى, تىرشىلىككە جانە جۇمىس ىستەۋگە قولايلى ەلدى مەكەننىڭ جانە ساپالى ينفراقۇرىلىمنىڭ بولۋى, دەدى مەيماندار.
م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى جانىندا قۇرىلعان قازاقستان حالقى اسسامبلەياسى كافەدراسىنىڭ مەڭگەرۋشىسى ليۋدميلا گريۆەننايانىڭ جۇمىس بەرۋشىلەر ديپلوم العان جاس مامانعا جۇمىس ءوتىلىنىڭ قاجەتتىگى جايلى تالاپ قويادى. جوق جۇمىس ءوتىلىن قايدان الادى؟ جاسى ۇلعايعان ادامداردى دا قىزمەتكە قابىلداي بەرمەيدى دەگەن سۇراعىنا حالىق قالاۋلىلارىنان بۇل جەردە باستى نازار جاس ەرەكشەلىگىنە ەمەس, مامانننىڭ بىلىمىنە اۋدارىلۋى ءتيىس. ال, ككاسىبي شەبەرلىك جىلدار وتە قالىپتاسادى. بۇل ماسەلەنى ءتيىستى ورىنداردىڭ قاتىسۋىمەن تالقىلاپ, ءبىر شەشىمگە كەلەتىن بولامىز دەگەن جاۋاپ الىندى.
پەتروپاۆل گۋمانيتارلىق-تەحنيكالىق كوللەدجىندە وتكەن كەزدەسۋدە ستۋدەنت-جاستاردى ءبىلىم بەرۋ, دەنساۋلىق ساقتاۋ سالالالارىنىڭ تۇيتكىلدى ماسەلەلەرى بەي-جاي قالدىرمادى. پارلامەنت ءماجىلىسىنىڭ دەپۋتاتتارى البەرت راۋ مەن ساپار احمەتوۆ ءوز سوزدەرىندە جوعارى وقۋ ورىندارىنا بولىنەتىن گرانتتار سانىنىڭ كوبەيتىلگەنىن, ەندى مامان دايارلاۋ تالابى كۇشەيتىلەتىنىن, جۇمىسقا ورنالاسۋى, جوعارى جالاقىلى قىزمەتپەن قامتاماسىز ەتىلۋى باعالاۋدىڭ باس ولشەمىنە الىناتىنى, قۇجاتتاردى قاعازسىز, تسيفرلىق جۇيەگە كوشىرۋ مەديتسينالىق قىزمەت كورسەتۋ مۇمكىندىگىن ارتتىراتىنىن العا تارتتى.
حالىق قالاۋلىلارى ا. راۋ, س. احمەتوۆ, ب. وسپانوۆ, پ. شاراپاەۆ اققايىڭ اۋدانىندا بىرنەشە كەزدەسۋ وتكىزىپ, جولداۋدىڭ باسىم باعىتتارىن تارقاتا ايتىپ بەردى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى.
