قىرعىزستان, وزبەكستان جانە رەسەي مەن قاتار, ەلىمىزدىڭ وزگە دە وبلىستارىنان 600-دەن اسا ونەر يەلەرىنەن قۇرالعان 15 وركەستر قاتىستى.
ءۇش كۇنگە سوزىلعان حالىقارالىق فەستيۆال «رۋحاني جاڭعىرۋ» باعدارلاماسى اياسىندا ءوتتى. گالا-كونتسەرتكە قازاق ونەرىنىڭ xاس دۇلدۇلدەرى ءاسانالى ءاشىموۆ, ۇلىقبەك ەسداۋلەت, قاتيموللا بەردىعاليەۆ, ءجۇرسىن ەرمان, ايتقالي جايىموۆ, ايگۇل ۇلكەنباەۆالار قاتىستى. وبلىس اكىمى نۇرلان نوعاەۆ بارلىق قوناقتارعا قوش كەلدىڭىز ايتىپ, العىسىن ءبىلدىردى.
- اتىراۋ اسپانىن, اقجايىقتىڭ جاعاسىن كۇي كۇمبىرلەتكەن قۇرمانعازى بابامىز اتىنداعى xالىقارالىق وركەسترلەر فەستيۆالىنە كەلگەن بارلىق قوناقتارعا اتىراۋلىقتار اتىنان ريزاشىلىعىمدى بىلدىرەمىن. ەلباسى ءوزىنىڭ باعدارلامالىق ماقالاسىندا "اركىم ءوزىنىڭ تۋعان جەرىن, ولكەسىن جەتىك ءبىلۋى كەرەك. تۋعان جەردەن ەلگە دەگەن ماxاببات ويانادى, ەلگە قىزمەت ەتۋ نامىسى ويانادى" دەگەن بولاتىن. ءار ءۇيدىڭ تورىندە تۇراتىن دومبىرانىڭ ارقاسىندا ەلىمىزدىڭ ونەرى, ءداستۇرى, مادەنيەتى بۇگىنگە دەيىن جەتىپ وتىر. ونەرىمىز بەرىك كەزدە مادەنيەتىمىزدى, ءداستۇرىمىزدى تاني ءبىلىپ, دارىپتەپ, الەمدىك جاھاندانۋ زامانىنداعى جاستارىمىزدىڭ بويىنا رۋx سىڭىرە وتىرىپ, ەلىن, جەرىن قورعايتىن ازاماتتى وسىرۋدە سىزدەردىڭ اتقارىپ جۇرگەن ەڭبەكتەرىڭىز زور. ءوز ونەرلەرىڭىزگە ادالدىق تانىتىپ كەلەسىزدەر, قاتارلارىڭىز كوبەيسىن. ءبىز وزىمىزگە جۇكتەلگەن لاۋازىمدىق مىندەتكە سايكەس وسى شارالاردى ۇيىمداستىرامىز. سونىمەن قاتار, ءار ادام ازاماتتىق ۇستانىمىنا سايكەس بۇل ىستەردىڭ قوسشىسى, جارشىسى بولۋى ءلازىم, دەدى وبلىس اكىمى.
شارانىڭ باستى ماقساتى – ۇلى كۇيشى جانە كومپوزيتور قۇرمانعازى ساعىرباي ۇلىنىڭ شىعارماشىلىعىن ناسيحاتتاۋ. اتىراۋ وبلىسى اكىمىنىڭ تاپسىرماسىمەن وبلىستىق مادەنيەت, مۇراعاتتار جانە قۇجاتتاما باسقارماسى ۇيىمداستىرعان ايتۋلى شارا كوپتىڭ كوڭىلىنەن شىقتى.
- بارلىعى جوعارعى دەڭگەيدە ءوتتى. ءبىز قالاعا كەلگەننەن باستاپ كۇتىپ الىپ,جاقسى ۇيىمداستىرىپ قويعان. فەستيۆالدىڭ ءوتۋ بارىسى دا ۇتىمدى قاراستىرىلعان, ءبىر-بىرىنە دوستىعى مەن جاراسىمى ساقتالعان مەملەكەتتەردى جيناعان. العاش رەت ۇلتتىق حالىقارالىق فەستيۆالگە قاتىسىپ وتىرعانىمىزدىڭ ءوزى ءبىز ءۇشىن ۇلكەن مارتەبە. قازاق اسپاپتارىنىڭ وزىندىك ەرەكشە ءۇنى بار. دومبىرانى تىڭداعاندا ەرەكشە كۇيدە بولاسىڭ. الايدا, تەك اسپاپتار مەن تەمبرىمىزدە وزگەشەلىك بولماسا, مۋزىكادا جانىمىز ءبىر,- دەيدى رەسەيدىڭ حالىق ءارتىسى الەكساندر موستىكانوۆ.
