جالپى, «بوگاتىر كومىر» جشس-نىڭ بالانستىق قورى 2,75 ملرد توننانى قۇرايدى. كاسىپورىننىڭ وندىرىستىك قۋاتى-جىلىنا 42 ميلليون توننا كومىر ءوندىرۋ, سونىڭ ىشىندە «بوگاتىر» كەنىشى بويىنشا 32 ميلليون توننا, «سەۆەرنىي» كەنىشى بويىنشا 10 ميلليون توننا.
بۇل كۇندەرى ەكىباستۇزداعى «بوگاتىر كومىر» جشس-نىڭ كەنىشىندە جوسپارلانعان 29 778 مىڭ توننانىڭ ورنىنا 32 556 مىڭ توننا كومىر ءوندىرىلدى.
ەلىمىزدەگى «سامۇرىق-ەنەرگو» اق ۇكىمەتپەن بايلانىس جانە كوممۋنيكاتسيالار ءوفيسىنىڭ بىزگە جولداعان ءباسپاسوز مالىمەتىنىڭ حابارىنشا, كومىر ءوندىرۋشى كومپانيا 32 869 مىڭ توننا كومىر جونەلتكەن, ياعني, تيەلگەن كومىردىڭ 80 پروتسەنتكە جۋىعىن وڭىرلەردەگى كاسىپورىندارىنا جىبەرىلگەن.
2007 جىلى قۇرىلعان ەلىمىزدەگى «سامۇرىق-قازىنا» ۇاق» اق جۇمىسىنىڭ نەگىزگى باعىتتارى: ەلەكتر جانە جىلۋ ەنەرگياسىن ءوندىرۋ, ەلەكتر ەنەرگياسىن جەتكىزۋ, ءبولىپ-تاراتۋ جانە ساتۋ, ەنەرگەتيكالىق كومىر ءوندىرۋ بولىپ تابىلادى.
سونىمەن بىرگە, «بوگاتىر كومىر» جشس-ى كومىرى وڭىرلەردەگى كوممۋنالدىق-تۇرمىستىق سالالاردىڭ, اۋىلدارداعى الەۋمەتتىك نىسانداردىڭ قازاندىقتارى ءۇشىن دە قىسقى جىلىتۋ ماۋسىمىنا جونەلتىلۋدە.
كوممۋنالدىق-تۇرمىستىق سالالار نىساندارىنا جىبەرىلەتىن كومىردى تيەپ-جونەلتۋ جوسپارى 25 قىركۇيەكتە اياقتالدى. وسى ۋاقىتقا قاراي كومىردى جەتكىزۋ كولەمى 1 037 مىڭ توننانى قۇرادى.
ناتيجەسىندە, كومىر وندىرەتىن ەكىباستۇزدىق كومپانيا 2018-2019 جىلدارى جىلۋ ماۋسىمىنا دايىندىق اياسىندا تاپسىرىس بەرۋشىلەردىڭ بارلىق سۇرانىسىن ورىندادى.
كومپانيانىڭ نەگىزگى تۇتىنۋشىلارى قاتارىندا: «ەكىباستۇز گرەس-1», «ەكىباستۇز گرەس-2» ستانسالارى» الماتى جانە ستەپنوگور جەو, «قاراعاندى ەنەرگوورتالىق» جشس (جەو-1, جەو-3), «سەۆكازەنەرگو» اق, «استانا-ەنەرگيا» اق (جەو-1, جەو-2), «كوكشەتاۋ جىلۋ» مكك, «پاۆلودارەنەرگو» اق, «Bassel Group LLS» جشس (تەمىرتاۋ قالاسى) سياقتى قازاقستاندىق كومپانيالار, جانە رەسەيلىك كومپانيالار: رەفتينسك, ترويتسك گرەس-تەرى بار.
ەكىباستۇز كومىر كەنىشتەرىندە وندىرىلەتىن بۇكىل كومىردىڭ 60 پايىزى جانە ەلىمىزدە وندىرىلەتىن كومىردىڭ جالپى كولەمىنىڭ 40 پايىزى «بوگاتىر كومىر» جشس-نىڭ ۇلەسىنە تيەسىلى.
فاريدا بىقاي,
«ەگەمەن قازاقستان»
پاۆلودار وبلىسى
