قازاقستان • 25 قازان، 2018

جەكەمەنشىك بالاباقشا يەلەرىنە ارنالعان شەبەرلىك ساباعى وتكىزىلدى

359 رەتكورسەتىلدى

تاۋەلسىز ەلىمىزدىڭ قاز تۇرىپ، قادام باسقان ۋاقىتىندا ۋربانيزاتسيا دامىپ،  حالىق اۋىلدان جاپپاي قالاعا كوشىپ كەلە باستادى. وسى جىلدارى كۇنكورىس قامىمەن جۇرگەن اتا-انانىڭ الاڭسىز قىزمەت ەتۋدىڭ جالعىز جولى – بالالارىن بالا-باقشاعا بەرۋ بولاتىن. الايدا سول ۋاقىتتاردا مەملەكەتتىڭ بارلىق بالانى مەكتەپكە دەيىنگى ۇيىممەن قامتاماسىز ەتۋگە جاعدايى بولمادى. وسىعان بايلانىستى جاپپاي جەكەمەنشىك بالا-باقشالار اشۋ تۋرالى شەشىم شىعارىلدى.

ەلباسىمىز نۇرسۇلتان نازارباەۆتىڭ تىكەلەي تاپسىرماسىمەن «بالاپان» باعدارلاماسى قابىلدانىپ، جەكە بالا باقشالاردىڭ جۇمىسىن جانداندىرۋعا مەملەكەتتىك بيۋدجەتتەن قاراجات ءبولىندى. بۇل باستامانى ەلىمىز بويىنشا اقتوبە وبلىسى العاشقىلاردىڭ ءبىرى بولىپ جۇزەگە اسىرا باستادى.  وسىنىڭ ناتيجەسىندە، بۇگىنگى كۇنى وبلىس 3-6 جاسقا دەيىنگى بالالاردى بالا-باقشامەن تولىق قامتىپ وتىر.

«كەز كەلگەن جاڭا باستامانىڭ باستاپقى كەزدە ءتۇرلى قيىندىقتاردان وتەتىنى زاڭدى. كوش جۇرە تۇزەلەدى دەگەن بار. جەكەمەنشىك بالا-باقشالاردى اشۋدا بەلگىلى تالاپتار بار. بۇل ءتارتىپتى ورىنداماعان كاسىپكەر جاۋاپقا تارتىلادى. مۇنى كاسىپكەرلەر جاقسى بىلەدى»،-دەيدى اقتوبە وبلىسى كاسىپكەرلەر پالاتاسى ديرەكتورىنىڭ ورىنباسارى جانايىم كەلباتىروۆا.

بۇگىنگى كۇنى بالا – باقشالارعا اتا-انا تولەيتىن تولەماقى مەملەكەتتىك بالا-باقشالارمەن تەڭەستىرىلدى. بۇل ءۇشىن جەكە بالا باقشالارعا مەملەكەتتىك تاپسىرىس بەرىلىپ، بيۋدجەتتەن قارجى بولىنەدى. سونداي-اق، مەكتەپكە دەيىنگى جەكە مەكەمەلەر «جۇمىسپەن قامتۋ-2020»، «بجك-2020» سەكىلدى مەملەكەتتىك باعدارلامالاردىڭ يگىلىگىن كورىپ وتىر.

الايدا، ولاردىڭ كوبىندە ماتەريالدىق ماسەلەلەرمەن قاتار، بالالاردى تاربيەلەۋمەن تىكەلەي اينالىساتىن مامانداردىڭ بىلىكتىلىگىن ارتتىرۋ پروبلەماسىنىڭ كەزدەسەتىنىن جاسىرىن ەمەس. وسى ولقىلىقتاردىڭ ورنىن تولتىرۋ ماقساتىندا «اتامەكەن» وڭىرلىك كاسىپكەرلەر پالاتاسى جەكەمەنشىك بالاباقشالار يەلەرىنە اقپاراتتىق جانە ءبىلىم بەرۋ باعىتىنىڭ جۇمىسىن كۇشەيتۋگە نيەت ءبىلدىرىپ وتىر. ءىس-شارالاردىڭ جالپى جوسپارى اياسىندا اقتوبە قالاسىندا جانە جاقىن ماڭداعى اۋىلداردا ورنالاسقان جەكە مەكتەپكە دەيىنگى مەكەمەلەردىڭ يەلەرى ءۇشىن بيزنەس-تاڭعى اسى ۇيىمداستىرىلدى.

«بۇگىنگى كۇنى اقتوبە قالاسىندا 90-عا جۋىق جەكە بالاباقشا ءاربىر بالاعا مەملەكەتتەن قاراجات الادى. دەگەنمەن ولاردىڭ اراسىندا بالا سانى از بالا-باقشالار ماتەريالدىق-تەحنيكالىق بازاسىن جاقسارتۋ بويىنشا قاراجاتتىڭ جەتىسپەيتىندىگىن ايتادى. اسىرەسە، مۇنداي مەكەمەلەردە مامانداردىڭ ءجيى اۋىسۋى سەكىلدى پروبلەمالار بار. وسى ماسەلەگە ىقپال ەتۋ ماقساتىندا ءبىز بۇگىنگى شارانى ۇيىمداستىرىپ وتىرمىز»،-دەيدى وڭىرلىك كاسىپكەرلەر پالاتاسىنىڭ ساراپشىسى گۇلميرا قازمۇقانبەتوۆا.

كاسىپكەرلەرگە  ارنالعان وقىتۋ سەمينارىن فيلولوگيا عىلىمىنىڭ كانديداتى، تالدامالى پسيحولوگيا باعىتىندا جۇمىس جاسايتىن حالىقارالىق دەڭگەيدەگى پسيحولوگ ساۋلە ەسقازينا جانە «باستاۋ» جوباسىنىڭ بيزنەس-ترەنەرى گۇلنار سەيىتجاپپاروۆا جۇرگىزدى. كاسىپكەرلەرمەن ەركىن سۇحبات تۇرىندەگى اڭگىمە «قىزمەتكەرلەردى باسقارۋدىڭ زاماناۋي ادىستەرى، ىنتالاندىرۋ جانە قازىرگى زامانعى تاربيە جۇمىستارىن جۇرگىزۋ» تاقىرىبى توڭىرەگىندە ءوربىدى. ولارعا جەكە بالاباقشالاردىڭ جۇمىسىن جاقسارتۋ ءۇشىن كليەنتكە، ياعني اتا-انالاردىڭ تالاپ-تىلەكتەرىنە باعىتتالۋ، كۇندەلىكتى كۇن ءتارتىبىن بالالاردىڭ جاس ەرەكشەلىكتەرىنە ساي قۇرۋ، كريزيستىك جاعدايلاردى ەڭسەرۋ سياقتى داعدىلاردى مەڭگەرۋ ادىستەرى تۋرالى ايتىلدى. سونداي-اق، جەكە بالاباقشالاردى باسقارۋ، قىزمەتكەرلەردى ىنتالاندىرۋ شارالارى، مىندەتتەردى ءبولىسۋ، ءوزارا ءتىل تابىسۋ قۇپيالارى ءسوز بولدى. نەگىزگى تاقىرىپ، جەكە بالا-باقشالارعا باراتىن بالالاردىڭ فيزيكالىق جانە پسيحولوگيالىق تاربيەسىن  دۇرىس ۇيىمداستىرۋ ماسەلەلەرى بولدى.

«جەكە بالاباقشالاردىڭ مەملەكەتتىكتەن ايىرماشىلىعى جوق دەۋگە دە بولادى. تالاپ بىردەي، سانيتارلىق-ەپيدەميولوگيالىق قاداعالاۋدان ءوتىپ تۇرامىز. الايدا قىزمەتكەرلەردىڭ بىلىكتىلىگىن ارتتىرۋ بويىنشا وسىنداي سەمينارلاردى اقىلى وتەمىز. بۇگىنگى كەزدەسۋدى ۇيىمداستىرعان  «اتامەكەن» كاسىپكەرلەر پالاتاسىنا العىس بىلدىرەمىز. كوپ قاجەتتى مالىمەتتەر الدىق»،-دەيدى «بوتاقان» جەكە بالاباقشا يەسى ءاليا جالعاسباەۆا.

سەمينار بارىسىندا مەملەكەتتىك ەمەس بالا باقشالاردىڭ يەلەرى وزدەرىن تولعاندىرعان سۇراقتار بويىنشا جاۋاپ الدى. ولاردىڭ ايتۋىنشا، مۇنداي بالا-باقشالارداعى مامان تۇراقتاماۋىنىڭ تاعى ءبىر سەبەبى، جەكەمەنشىك مەكەمە قىزمەتكەرلەرىنىڭ ءتۇرلى مەملەكەتتىك جەڭىلدىكتەر بەرەتىن باعدارلامالارعا قاتىسا الماۋىندا بولىپ وتىر.

سونداي-اق، بالا-باقشا قىزمەتەرلەرىنىڭ ايلىعىن كوتەرۋ جاعى دا قيىندىق كەلتىرەدى، ويتكەنى ول ءۇشىن اتا-انا تولەيتىن اقىنىڭ سوماسىن كوتەرۋ كەرەك. بۇل ماسەلەنىڭ شەشىمى رەتىندە بالا-باقشا يەلەرى جان باسىنا بولىنەتىن مەملەكەتتىك ءبىلىم بەرۋ تاپسىرىسىنىڭ كولەمىن ۇلعايتۋ مۇمكىندىگىن قايتا-قاراۋ كەرەكتىگىن العا تارتۋدا. «اتامەكەن» وڭىرلىك كاسىپكەرلەر پالاتاسىنىڭ ماماندارى بۇل ۇسىنىستى مەملەكەتتىك ورگاندارعا جولداناتىنىن ايتىپ، جەكەمەنشىك بالاباقشالار يەلەرىنە اقپاراتتىق جانە ءبىلىم بەرۋ باعىتىنىڭ جۇمىسىن بۇدان ءارى دە جالعاساتىرۋعا نيەت بىلدىرەتىنىن جەتكىزدى.

تەمىر قۇسايىن،

«ەگەمەن قازاقستان»

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار