فورۋمنىڭ نەگىزگى ماقساتى – باتىس ساياساتكەرلەرىنىڭ, الەمدىك كومپانيالاردىڭ بەلگىلى جۋرناليست دجامال حاششوگيدىڭ ولىمىنە بايلانىستى بايكوت جاريالاۋىنا قاراماستان, ينۆەستيتسيا تارتۋ مۇمكىندىكتەرىن كورسەتۋ.
«تۇركيادا ورىن العان سوڭعى وقيعالارعا بايلانىستى مەملەكەتىمىزگە داعدارىس ءتونىپ تۇر. بىراق, مەملەكەتىمىزدە تاريحي اۋقىمدى ترانسفورماتسيا ءوتىپ جاتىر. ءبىز ۇلكەن وزگەرىستەرگە بەت الدىق جانە بۇل قوزعالىس توقتامايدى», دەدى ەنەرگەتيكا ءمينيسترى حالەد ال-فالەح العىسوزىندە.
Saudi Aramco مۇناي كومپانياسىنىڭ وكىلدەرىنىڭ ايتۋىنشا, جالپى قۇنى 34 ميلليارد دوللار بولاتىن 15 مەموراندۋمعا قول قويىلعان. سەرىكتەستەر قاتارىندا اقش, فرانتسيا, قىتاي, جاپونيا, بىرىككەن اراب امىرلىكتەرى مەن ءۇندىستان مەملەكەتتەرىنىڭ كومپانيالارى بار. ينۆەستيتسيا ساراپشىسىنىڭ ويىنشا, «كوپتەگەن كومپانيالار ساۋد ارابياسىنداعى تۇتىنۋشىلارىن جوعالتىپ الا الادى. دەگەنمەن, مۇناي مەن ەنەرگەتيكا سالاسىندا ساۋد ارابياسىنان باس تارتۋ مۇمكىن ەمەس. ويتكەنى, الەم بويىنشا ساۋد ارابياسى مۇناي وندىرۋشىلەردىڭ العاشقى ۇشتىگىندە».
دۇيسەنبى كۇنى مەملەكەتتىڭ ەنەرگەتيكا ءمينيسترى مۇناي ساۋداسى ساياساتتان بولەك قاراستىرىلاتىن ماسەلە ەكەنىن, ساۋد ارابياسىنىڭ مۇناي وندىرىسىنەن باس تارتپايتىنىن مالىمدەدى.
