– بيىل جالپى ەگىس القابى 4,2 ميلليون گەكتاردى قۇراسا, ونىڭ 2,8 ميلليون گەكتارىنا ءداندى جانە داندىبۇرشاق, 1 ميلليون گەكتارعا مايلى, 414 مىڭ گەكتارعا جەمازىق داقىلدارى سەبىلگەن بولاتىن. اۋا رايىنىڭ قولايسىزدىعىنا بايلانىستى جيىن-تەرىننىڭ كەش باستالعانىنا قاراماستان ۇيىمشىلدىقپەن اتقارىلدى. ارزانداتىلعان جانار-جاعارماي, تەحنيكا, ادام كۇشى جەتكىلىكتى بولدى. «قازاگروقارجى» اق-ى ارقىلى ليزينگپەن جۇزدەگەن قۋاتتى تەحنيكالار الىندى», دەيدى باسقارما باسشىسىنىڭ ورىنباسارى قۋاندىق شاقۇباەۆ.
بىلتىرعى جىلعا قاراعاندا مايلى داقىلداردىڭ كولەمى ءبىرجارىم ەسە كوبەيتىلىپ, 707 مىڭ توننا ءدان قامباعا قۇيىلدى. ورتاشا ءونىم 8,9 توننا بولدى.
قازىر سىيىمدىلىعى 6,6 ميلليون توننانى قامتيتىن ەلەۆاتورلار استىق تازالاۋمەن اينالىسۋدا.
«زەنچەنكو جانە ك», «مامبەتوۆ جانە ك» كومانديتتىك سەرىكتەستىكتەرى, «بابىق-بۇرلىق, «دايىندىق» شارۋا قوجالىقتارى گەكتار ونىمدىلىگىن 20-30 تسەنتنەردەن اينالدىردى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
