«بارسەلونانىڭ» كاپيتانى ليونەل مەسسي الداعى «ەل-كلاسسيكوعا» قاتىسا المايتىن بولدى. «سەۆيلياعا» قارسى ماتچتا ارگەنتينالىق فۋتبولشى ءوز قولىنا قۇلاپ ءتۇسىپ سىندىرىپ الدى. وقىس وقيعا كەزدەسۋدىڭ 17-ءشى مينۋتىندا بولعان. دارىگەرلەردىڭ ايتۋىنشا, مەسسيدىڭ بىلەك سۇيەگى سىنىپ كەتكەن.
وسىلايشا, ارگەنتينالىق ويىنشى "رەالمەن" (28 قازان) جانە "رايو ۆالەكانو" (4 قاراشا) بولاتىن كەزدەسۋلەرگە, سونداي-اق چەمپيوندار ليگاسىنىڭ "ينتەرمەن" (24 قازان جانە 6 قاراشا) ەكى كەزدەسۋىنە قاتىسا الماۋى مۇمكىن.
ايتا كەتەيىك, اعىمداعى ماۋسىمدا 31 جاسار مەسسي بارلىق تۋرنيردە كاتالونيالىق كلۋب ءۇشىن 12 ماتچ وتكىزىپ, 12 گولدىڭ اۆتورى اتاندى.
