وتىرىس بارىسىندا قازاقستاندىق دەلەگاتسيا سيرياداعى داعدارىستى ساياسي تۇرعىدان, سونىڭ ىشىندە سيريالىق كونستيتۋتسيالىق كوميتەتىن قۇرۋ ارقىلى شەشۋگە شاقىردى.
«سيريالىقتار وزدەرى عانا حالىقارالىق قاۋىمداستىقتىڭ قولداۋىمەن سيريا ەلىنىڭ بولاشاق ساياسي جۇيەسىن قۇرۋىن باستاۋ كەرەك», - دەپ قازاقستاننىڭ بۇۇ جانىنداعى تۇراقتى وكىلىنىڭ ورىنباسارى قانات تۇمىش اتاپ ءوتتى.
قازاقستان بارلىق قىزىعۋشىلىق تانىتقان تاراپتاردى 17 قىركۇيەكتە استانا پروتسەسىنىڭ كەپىل مەملەكەتتەرى رەسەي مەن يران قول قويلعان سيريا يدليبتەگى دەەسكالاتسيا ايماعىندا جاعدايدى تۇراقتاندىرۋ تۋرالى مەموراندۋمدى جۇزەگە اسىرۋدا ىنتىماقتاستىقتى دامىتۋعا, سونداي-اق ەلدىڭ بارلىق جەرلەرىنە ەڭ قىسقا باعىتىمەن قاۋىپسىز جانە كەدەرگىسىز گۋمانيتارلىق قول جەتكىزۋدى قامتاماسىز ەتۋگە شاقىردى.
قاۋىپسىزدىك كەڭەسىنىڭ وتىرىسىندا قاراشا ايىنىڭ سوڭىندا ءوز قىزمەتىنەن كەتۋگە نيەتتى ەكەنىن جاريالاعان بۇۇ باس حاتشىسىنىڭ ارنايى وكىلى ستافان دە ميستۋرانىڭ سيرياداعى داعدارىستى شەشۋ بويىنشا جۇمىسىنا جوعارى باعا جانە ريزاشىلىق ءبىلدىرىلدى.
س. دە ميستۋرا ءوز مانداتىنىڭ اياقتالۋىنا دەيىن جاڭا كونستيتۋتسيا جوباسىن ازىرلەۋ ءۇشىن سيريالىق كوميتەتىن قۇرۋ جونىندەگى قارقىندى شارالاردى قابىلدايتىنىنا جانە قازان ايىنىڭ سوڭىنا قاراي استانا پروتسەسىنىڭ كەپىل مەملەكەتتەردىڭ وكىلدەرىن جەنەۆاعا سيريا بويىنشا كەزدەسۋگە شاقىرادى دەپ سەندىردى.
باسقا ەلدەر دەلەگاتسيالارى سيرياداعى داعدارىستى شەشۋ جونىندەگى ارنايى وكىلى س. دە ميستۋرانىڭ كۇش-جىگەرىنە وزدەرىنىڭ وڭ باعاسىن بەرىپ, ريزاشىلىعىن ءبىلدىردى. جالپى, سيرياداعى سوعىستى توقتاتۋ ءۇشىن ونى شەشۋدىڭ يننوۆاتسيالىق وڭىرلىك پاراديگماسىن جانە جەنەۆا مەن استانا پروتسەستەرىن قولداعانى ماڭىزدى دەپ ايتىلدى.
استانادا سيرياداعى جاعدايدى رەتتەۋ ءۇشىن توعىز راۋندتان تۇراتىن كەلىسسوزدەر ءوتتى. قازاقستان ەلورداسىندا وتكەن كەزدەسۋلەردىڭ باستى ناتيجەسى ەلدەگى زورلىق-زومبىلىق دەڭگەيىن ەداۋىر تومەندەتەتىن دەەسكالاتسيا ايماقتارىن قۇرۋ بولدى.
