قازاقستان • 10 قازان، 2018

ەۋرازيالىق پەداگوگيكالىق ۋنيۆەرسيتەتتەر قاۋىمداستىعىنىڭ حالىقارالىق فورۋمى ءوتتى

296 رەت كورسەتىلدى

اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە «ۇزدىكسىز پەداگوگيكالىق ءبىلىم بەرۋ ماسەلەلەرى: ءداستۇر مەن جاڭاشىلدىق» حالىقارالىق فورۋمى ءوتتى.

ۇزدىكسىز پەداگوگيكالىق ءبىلىم بەرۋ جانە پەداگوگيكالىق كادرلاردى دايارلاۋ جۇيەسىن تالقىلاۋ، عىلىم مەن يننوۆاتسيالاردى قولداۋداعى ىنتىماقتاستىقتىڭ نەگىزگى باعىتتارىن دامىتۋدى ماقسات ەتىپ وتىرعان فورۋم بارىسىندا قر ءبىلىم جانە عىلىم ۆيتسە-ءمينيسترى اسحات ايماعامبەتوۆ جانە شەتەلدىك جوعارى وقۋ ورىندارىنىڭ رەكتورلارى قۇتتىقتاۋ ءسوز سويلەپ، نەگىزگى ماسەلەلەرگە توقتالدى.

اباي اتىنداعى قازۇپۋ مەن ماسكەۋ پەداگوگيكالىق ۋنيۆەرسيتەتىنىڭ باستاماسى بويىنشا قۇرىلعان ەۋرازيالىق پەداگوگيكالىق ۋنيۆەرسيتەتتەردىڭ قاۋىمداستىعى ەەو ەلدەرىندەگى ءبىلىم جانە عىلىم سالاسىنداعى ينتەگراتسياعا باعىتتالعان العاشقى مەملەكەتارالىق قوعامدىق ۇيىم بولىپ تابىلادى. ەۋرازيالىق قاۋىمداستىقتىڭ قىزمەتى عىلىم جانە ءبىلىم بەرۋ گۋمانيتارلىق كەڭىستىگىن قالىپتاستىرۋعا، ۇلتتىق مادەنيەتتەردى بايىتۋعا، ءوزارا ىقپالداستىقتاردى نىعايتۋعا ىقپال ەتۋگە مۇمكىندىك بەرەدى.

فورۋم جۇمىسىندا قازىرگى ۇزدىكسىز پەداگوگيكالىق ءبىلىم بەرۋدەگى ءداستۇر مەن جاڭاشىلدىق، جوعارى پەداگوگيكالىق ءبىلىم بەرۋدەگى ۇلتتىق عىلىمي مەكتەپتەر، زاماناۋي ۇستازدىڭ كاسىبي دامۋ جۇيەسىندەگى ۇزدىكسىز پەداگوگيكالىق ءبىلىم بەرۋدىڭ ءرولى، جاڭارتىلعان ءبىلىم مازمۇنى بويىنشا مەكتەپ پەن جوعارى وقۋ ورىندارىندا پاندەردى وقىتۋ ادىستەمەسى، ءبىلىم جۇيەسىنە جاڭا ساندىق جانە اقپاراتتىق تەحنولوگيالاردى ەنگىزۋ نەگىزىندە پەداگوگيكالىق كادرلاردى دايارلاۋ ماسەلەلەرى تالقىلاندى. سونىمەن قاتار جەتەكشى عالىمداردى تارتا وتىرىپ، ۇزدىكسىز عىلىمي بايلانىستارعا قول جەتكىزىپ، ۇلتتىق ءبىلىم جۇيەلەرى مەن جوعارى پەداگوگيكالىق ءبىلىم بەرۋدىڭ نەگىزگى ۇردىستەرىنە نازار اۋدارۋ،  جوعارى پەداگوگيكالىق ءبىلىم بەرۋ ساپاسىن جوعارىلاتۋ سالاسىنداعى بايلانىستاردىڭ ءتيىمدى جولدارىن ازىرلەۋگە جاردەمدەسۋ سياقتى وزەكتى ماسەلەلەر بويىنشا ماماندار پىكىر الماستى.

 

ەلۆيرا سەرىكقىزى،

«ەگەمەن قازاقستان»

الماتى

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار