سپەكتاكل باستالار الدىندا تەاتر ماۋسىمىنىڭ اشىلۋ سالتاناتى بولدى. وندا تەاتر ديرەكتورى سابىرالى كەمەلباەۆ, ونەر ورداسىنىڭ كوركەمدىك جەتەكشىسى ءاليا بايماحان كورەرمەندەردى جانە ونەر ۇجىمىن ماۋسىمنىڭ اشىلۋىمەن قۇتتىقتادى. تەاتر ماۋسىمىنىڭ ءداستۇرلى اشىلۋىنا وراي ونەر وتاۋىنىڭ ارتىستەرى ساحنادا قىزىل كىلەممەن ءجۇرىپ ءوتتى.
–تەاتر ماۋسىمىنىڭ اشىلۋى تەك ونەر ۇجىمىنا عانا ەمەس, كورەرمەنگە دە مەرەكەلىك كوڭىل-كۇي سىيلاۋى ءتيىس. سول ءداستۇر كوپتەن تەاترىمىزدا ۇمىتىلعانداي ەدى. وسى جولى كورەرمەن مەن ارتىستەر قايتا تابىسقانداي, ءبىر جىلى شارا ءوتتى. نەگىزى كورەرمەن ساحناداعى كەيىپكەرلەردى سومداعان ارتىستەردى تانۋى كەرەك. اكتەرلەردىڭ قىزىل كىلەم ۇستىمەن ءجۇرىپ ءوتۋىنىڭ ءوزى زالداعى كورەرمەنگە ەستەتيكالىق, رۋحاني قۋانىش سىيلايدى دەپ ويلايمىن. بۇل شارا ارتىستەرگە دە شابىت بەرەرى داۋسىز, – دەيدى بەلگىلى اكتريسا شاحاربانۋ ەەسەنعۇلوۆا.
تەاترعا كەلگەندەر ماريام حاكىمجانوۆا مەن ءىلياس وماروۆتىڭ شىعارماشىلىعى مەن جەكە تۇتىنعان زاتتارىنان تۇراتىن شاعىن كورمەنى دە تاماشالادى.
ءنازيرا جارىمبەت,
«ەگەمەن قازاقستان»
قوستاناي
