سۋرەتتى تۇسىرگەن عىلىمبەك ءسابيتوۆ
«ەلباسىنىڭ «رۋحاني جاڭعىرۋ» باعدارلاماسى اياسىندا «پرەزيدەنتتىڭ بەس الەۋمەتتىك باستاماسىنىڭ» ءۇشىنشى باستاماسىن جۇزەگە اسىرۋ ءۇشىن شىعىس قازاقستاندا ءۇش باعىتتى قامتيتىن «بىلىكتى مامان» جوباسى ازىرلەندى. نازارباەۆ ينتەللەكتۋالدىق مەكتەبى ۇلگىسىندەگى جاڭارتىلعان ءبىلىم بەرۋ باعدارلاماسى بويىنشا وبلىسقا 1, 636 ميلليون دانا وقۋلىقتار ساتىپ الىندى. ايماقتاعى مۇعالىمدەردىڭ بىلىكتىلىگىن ارتتىرۋعا دا دەن قويىپ وتىرمىز. 2019 جىلعا دەيىن 22 647 مۇعالىم ءارتۇرلى كۋرستاردان وتەدى. «مەنىڭ مەكتەبىم» جوباسى شەڭبەرىندە وبلىستاعى 277 تولىق كومپلەكتىلى مەكتەپتىڭ 476 كابينەتى حيميا, فيزيكا, بيولوگيا جانە روبوتتى تەحنيكا سىنىپتارىمەن نازارباەۆ زياتكەرلىك مەكتەپتەرىنىڭ تاجىريبەسى نەگىزىندە زاماناۋي قۇرال-جابدىقتارمەن جابدىقتالدى. وبلىستا 277 ءىت-سىنىپ اشىلدى. «بىلىكتى مامان» جوباسى اياسىندا وڭىردەگى جوعارى وقۋ ورىندارىنىڭ دەڭگەيىن كوتەرىپ, شەت ەلگە كەتىپ جاتقان تۇلەكتەر قاتارىن ازايتۋ ءۇشىن ەكى جىلدان بەرى ءبىلىم گرانتتارى بولىنۋدە. 2017 جىلى 200 گرانت بولىنسە, بيىل بۇل كورسەتكىش 400-گە جەتتى. ونىڭ 219-ى مۇعالىمدەر دايىنداۋعا, 82-ءسى تەحنيكالىق جانە تەحنولوگيالىق, 37-ءسى اۋىل شارۋاشىلىعى, ۆەتەريناريا, 31-ءى ونەر, 24-ءى دەنساۋلىق, 7-ءسى جاراتىلىستانۋ سالالارىنداعى ماماندار ازىرلەۋگە ءبولىندى», - دەيدى اسەم ءنۇسىپوۆا.
سونىمەن قاتار بيىل تۇڭعىش رەت وڭىرگە اسا قاجەت مامانداردى دايىنداۋ ءۇشىن ەلىمىزدىڭ جوعارى وقۋ ورىندارىنا 46 ورىنعا مەملەكەتتىك ءبىلىم بەرۋ تاپسىرىسى بەرىلىپتى.
ازامات قاسىم,
«ەگەمەن قازاقستان»
وسكەمەن
