قازاقستان • 09 قازان، 2018

مەملەكەتتىك حاتشى تارمۋ مەرەيتويىنا قاتىستى

340 رەتكورسەتىلدى

بيىل جامبىل وڭىرىندەگى جەتەكشى وقۋ ورىنى م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ قۇرىلعانىنا 60 جىل تولىپ وتىر. وسىدان 60 جىل بۇرىن اۋليەاتا وڭىرىندە قازاق حيميا-تەحنولوگيالىق ينستيتۋتىنىڭ جامبىل فيليالى اشىلعان بولاتىن. ول 1963 جىلى جەڭىل جانە تاماق ونەركاسىبى جامبىل تەحنولوگيالىق ينستيتۋتىنا اينالدى. ال 1962 جىلى گيدرومەليوراتيۆتىك-قۇرىلىس ينستيتۋتى جانە 1996 جىلى جامبىل ۋنيۆەرسيەتى قۇرىلدى. اتالعان ءۇش وقۋ ورنىنىڭ بىرىگۋى ناتيجەسىندە بۇل جوعارى وقۋ ورنى تاۋەلسىزدىك جىلدارى م.ح.دۋلاتي اتىنداعى تاراز مەملەكەتتىك ۋنيۆەرسيتەتى بولىپ قالىپتاستى. وسى ۋاقىتقا دەيىن ەلىمىزدىڭ دامۋىنا وزىندىك ۇلەس قوسىپ جۇرگەن تالاي ازاماتتاردى تۇلەتكەن ۋنيۆەرسيتەت بۇگىندە 60-تان استام ماماندىق بويىنشا كادرلار دايىندايدى.

ەكى كۇنگە جالعاسقان مەرەيتوي اياسىندا ەلىمىزگە تانىمال عالىمداردىڭ قاتىسۋىمەن حالىقارالىق كونفەرەنسيالار مەن ءتۇرلى باسقوسۋلار ۇيىمداستىرىلدى. اسىرەسە كونفەرەنسياعا قاتىسۋشىلار م.ح.دۋلاتي توڭىرەگىندە پىكىر الماستى. سونىمەن قاتار، مەرەيتوي اياسىندا قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىحالىقوۆانىڭ قاتىسۋىمەن اتالعان جوعارى وقۋ ورنىنداعى قازاقستان رەسپۋبليكاسى تۇڭعىش پرەزيدەنت زالىندا ۋنيۆەرسيتەتتىڭ بايقاۋ كەڭەسىنىڭ وتىرىسى ءوتتى. بۇدان كەيىن گۇلشارا ناۋشاقىزى تارمۋ تەحنولوگيالىق كەشەنىنىڭ الاڭشاسىنان بوي كوتەرگەن «؛ۋنيۆەرسيەت شەجىرەسى»؛ اتتى مونۋمەنتتىڭ اشىلۋ سالتاناتىنا قاتىستى. مەملەكەتتىك حاتشى ءوز سوزىندە ۋنيۆەرسيەت ۇجىمىن جانە ستۋدەنتتەردى مەرەتويىمەن قۇتتىقتاپ، بۇگىندە جاستاردىڭ ساپالى ءبىلىم الۋىنا مەملەكەت تاراپىنان بارلىق جاعدايدىڭ جاسالىپ وتىرعانىن اتاپ ءوتتى.

&ndash؛ ەلباسى بيىلعى جىلعى «؛قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن جاقسارتۋ»؛ اتتى قازاقستان حالقىنا جولداۋىندا ءبىلىم ساپاسىن ارتتىرۋ ماسەلەسىن ەرەكشە ايتتى. ناتيجەسىندە كەلەشەكتە دە جاستاردىڭ ءبىلىم الۋىنا مەملەكەت تاراپىنان جاعداي جاسالا بەرەتىن بولادى. بۇگىندە وسى ۋنيۆەرسيتەت قابىرعاسىندا ءبىلىم الىپ جۇرگەن جاستاردىڭ ەگەمەن ەلىمىزدىڭ مىقتى ازاماتتارى بولاتىنىنا، العا قويعان ماقساتتارىن بىرىگىپ ورىندايتىنىنا سەنىمىم مول. بۇل ۋنيۆەرسيتەت تاريحى وتە باي. كەزىندە وسى جەردەن ءبىلىم العان ازاماتتار بۇگىندە ءار سالادا جەمىستى قىزمەت اتقارىپ كەلەدى، ؛ ؛ &ndash؛ دەدى گۇلشارا ناۋشاقىزى.

بۇدان كەيىن مەملەكەتتىك حاتشى گۇلشارا ءابدىحالىقوۆا تارمۋ سپورت كەشەنىنىڭ اشىلۋ سالتاناتىنا قاتىسىپ، ۋنيۆەرسيتەت رەكتورى ماحمەتعالي سارىبەكوۆپەن بىرگە كەشەننىڭ لەنتاسىن قيدى. سالتاناتتى جيىندا ءسوز العان گۇلشارا ناۋشاقىزى بيىلعى جىلعى ەلباسى جولداۋىندا بۇكىلحالىقتىق سپورتتى دامىتۋعا ەرەكشە كوڭىل بولىنگەنىن اتاپ ءوتتى.

&ndash؛ ءبىزدىڭ ستۋدەنت كەزىمىزدە مۇنداي سپورت كەشەندەرى وتە از بولاتىن. ال بۇگىن ۋنيۆەرسيتەت جانىنان اشىلىپ وتىرعان سپورت كەشەنى جاستارعا بەرىلگەن ۇلكەن مۇمكىندىك. مۇنىڭ ءبارى دە تاۋەلسىزدىك تابىستارى دەپ بىلەمىن. سونىمەن قاتار، بۇل جاستار دەنساۋلىعىنىڭ نىعايۋىنا، سالاماتتى ءومىر سالتىن قالىپتاستىرۋعا ۇلكەن اسەر ەتەدى. وسى جەردەن تالاي سپورت ساڭلاقتارىنىڭ شىعاتىنىنا سەنىمىم مول. تاراز مەملەكەتتىك ۋنيۆەرسيتەتى قاشاندا سپورت جۇلدىزدارىنىڭ التىن بەسىگى، &ndash؛ دەدى گۇلشارا ءابدىحالىقوۆا. ال ءوز سوزىندە بوكستان افينى وليمپياداسىنىڭ جەڭىمپازى، ۋنيۆەرسيتەت تۇلەگى باقتيار ارتاەۆ دەنى ساۋ ۇرپاقتىڭ باسەكەگە قابىلەتتى بولا الاتىنىن ايتا كەلىپ، ءوزى ءبىلىم العان ءبىلىم ورداسىنان بولاشاقتا دا اتاقتى عالىمدار مەن سپورتشىلاردىڭ شىعا بەرۋىنە تىلەكتەستىگىن ءبىلدىردى.

ەلباسى «؛پرەزيدەنتتىڭ بەس الەۋمەتتىك باستاماسى»؛ اتتى حالىققا ۇندەۋىندە جاستاردى جاتاقحانامەن قامتۋ جايىن باسا ايتقان بولاتىن. بۇگىندە ستۋدەنتتەردى جاتاقحانامەن قامتۋ ماسەلەسىندە تاراز مەملەكەتتىك ۋنيۆەرسيتەتى جاقسى ءۇردىستى باستادى. مەملەكەتتىك حاتشى گۇلشارا ءابدىحالىقوۆا تارمۋ گيدروكەشەنىندە دە بولىپ، جاڭا ستۋدەنتتىك جاتاقحانانىڭ العاشقى تاسىن قالاۋ راسىمىنە قاتىستى. بولاشاقتا بوي كوتەرەتىن جاتاقحانا «؛پيكو»؛ قۇرىلىس كومپانياسىمەن بىرگە سالىنادى. بۇل رەتتە رەكتور ماحمەتعالي سارىبەكوۆ اتالعان جاتاقحانانىڭ قۇرىلىسى 2019 جىلى قاڭتار ايىندا باستالىپ، 2020 جىلى اياقتالاتىنىن ايتتى. سونىمەن قاتار، جاتاقحانا 500 ادامعا ارنالعان. جالپى قۇنى 1 ميلليارد 500 ميلليون تەڭگەنى قۇرايدى. گۇلشارا ناۋشاقىزى جاتاقحانا قۇرىلىسىمەن تانىسىپ، ستۋدەنتتەردى جاڭا جاتاقحانا قۇرىلىسىنىڭ باستالۋىمەن قۇتتىقتادى. مەملەكەتتىك حاتشى ءوز سوزىندە ساپالى ءبىلىم الۋ ءۇشىن دە جاقسى جاعدايدىڭ كەرەك ەكەنىن، بۇگىندە سول ءۇشىن مەملەكەت جاستارعا قامقورلىق جاساپ وتىرعانىن ايتتى. بۇدان كەيىن ۋنيۆەرسيتەت جاستارىنىڭ اتىنان اتالعان ءبىلىم ورداسىنىڭ ستۋدەنتى نۇرسۇلتان ساتىبالدى ۇندەۋ قابىلدادى.

حاميت ەسامان،

«؛ەگەمەن قازاقستان»؛

جامبىل وبلىسى

سوڭعى جاڭالىقتار

تارتىمدىلىق تەرەڭدەي تۇسپەك

ايماقتار • بۇگىن، 09:37

جاڭىلتپاش جاۋاپتار كىمگە قاجەت؟

ايماقتار • بۇگىن، 09:17

قورعانىس-ونەركاسىپ كەشەنى

قوعام • بۇگىن، 07:59

ۇزدىكتەر ماراپاتتالدى

فۋتبول • بۇگىن، 07:57

جاستار جارادى

سپورت • بۇگىن، 07:51

جەرلەستەرىمىز جوعارىلادى

كاسىپقوي بوكس • بۇگىن، 07:50

فرونت-كەڭسە اشىلدى

ايماقتار • بۇگىن، 07:31

قورشاۋدان قۇتىلعان قالا

قوعام • بۇگىن، 07:28

اناعا تاعزىم ەتىڭدەر!

رۋحانيات • بۇگىن، 06:57

ۇمىتىڭدى ۇزبە، ۇلەسكەر...

قوعام • بۇگىن، 06:51

ۇلىلار مۇراسى – ۇرپاققا ونەگە

ايماقتار • بۇگىن، 06:42

«اتىڭنان اينالايىن، اۋليە اتا»

رۋحانيات • بۇگىن، 06:40

ەل ارداعى – ەلۋ ەسىم

قوعام • بۇگىن، 06:20

ون ايداعى ورنىقتى دامۋ

ەكونوميكا • بۇگىن، 06:17

ستراتەگيالىق ىقپالداستىق ارتادى

پارلامەنت • بۇگىن، 06:09

ميسسيا باسشىسىمەن كەزدەستى

ۇكىمەت • بۇگىن، 06:08

ۇقساس جاڭالىقتار