ايماقتار • 09 قازان، 2018

كۋرچاتوۆتا حالىقارالىق FNCA سەمينارى باستالدى

265 رەت كورسەتىلدى

​​​​​الداعى ۋاقىتتا اۋىل شارۋاشىلىعىندا دا رادياتسيالىق تەحنولوگيالاردى پايدالانۋعا بولادى. وسىعان وراي كۋرچاتوۆتا اۋىل شارۋاشىلىعى، قورشاعان ورتا جانە مەديتسيناعا ارنالعان پوليمەرلىك ماتەريالداردى رادياتسيالىق وڭدەۋ جانە تۇرلەندىرۋ جونىندەگى حالىقارالىق FNCA سەمينارى ءوتىپ جاتىر.

قر ۇلتتىق يادرولىق ورتالىعى مەن يادرولىق تەحنولوگيالار پاركى اق نەگىزىندەگى ۇيىمداستىرىلىپ وتىرعان حالىقارالىق FNCA سەمينارى بارىسىندا 5 كۇن بويى اۋىل شارۋاشىلىعى، قورشاعان ورتا جانە مەديتسيناعا ارنالعان پوليمەرلىك ماتەريالداردى رادياتسيالىق وڭدەۋ جانە تۇرلەندىرۋ ماسەلەلەرى قاراستىرىلاتىن بولادى.

-سەمينار جۇمىسىنا FNCA-گە قاتىساتىن 10 ەلدىڭ – بانگلادەش، قىتاي، يندونەزيا، جاپونيا، قازاقستان، مالايزيا، مونعوليا، فيليپپين، تايلاند جانە ۆەتنام ەلدەرىنىڭ وكىلدەرى قاتىسۋدا،-دەدى ۇلتتىق يادرولىق ورتالىقتىڭ باس ديرەكتورا ەرلان باتىربەكوۆ،-بۇل تاقىرىپتاعى سەمينار قازاقستاندا ەكىنشى رەت وتكىزىلۋدە. وتكەن جولعى سەمينار 2012 جىلى “Electron Accelerator Application Project” تاقىرىبى بويىنشا الماتى قالاسىنداعى يادرولىق فيزيكا ينستيتۋتىندا وتكىزىلگەن بولاتىن.        

ايتا كەتۋ كەرەك، ازياداعى يادرولىق كووپەراتسيا فورۋمى ازيا ءوڭىرىن دامىتۋداعى ماڭىزى زور جوبا. باس ديرەكتور ەرلان باتىربەكوۆتىڭ ايتۋىنشا: «سەمينار جۇمىسى ەڭ الدىمەن يادرولىق تەحنولوگيالاردى قولدانۋدى، يادرولىق قاۋىپسىزدىك سالاسىندا تاجىريبە الماسۋدى دامىتۋعا ىقپال ەتۋ ارقىلى يادرولىق قىزمەتپەن بايلانىستى وزەكتى پروبلەمالاردى شەشۋ تاسىلدەرىن ازىرلەۋگە باعىتتالماق.        

قازاقستاندا كوپتەگەن ۇدەتكىشتەر بار. ولار پوليمەرلەردى رادياتسيالىق بىرىكتىرۋ، مەديتسينالىق بۇيىمداردى رادياتسيالىق وڭدەۋ، ترەكتىك مەمبرانالاردى ءوندىرۋ جانە تاعى باسقا ءۇشىن قولدانىلادى.   

قازىرگى زامان تالابىنا ساي ۇدەتكىشتەر ەكونوميكانىڭ كوپتەگەن سالالارىندا پايدالانىلادى، بۇل كۇندەلىكتى ءومىر ءسۇرۋ ساپاسىن جوعارىلاتۋدى قامتاماسىز ەتەدى ءارى قورشاعان ورتا ءۇشىن قاۋىپسىز بولىپ قالا بەرمەك. سوندىقتان جوبانىڭ تاقىرىبى قازاقستان ءۇشىن دە، سول سياقتى بارشا الەم ءۇشىن دە جوعارى باسىمدى بولىپ تابىلادى.    

سەمينار 8 – 12 قازان ارالىعىندا وتكىزىلىپ جاتىر.  سەمينار بارىسىندا ازىرلەنگەن ۇسىنىمدار تاجىريبەدە سۇرانىسقا يە بولماق جانە اۋىل شارۋاشىلىعىنىڭ ءارتۇرلى سالالارىندا رادياتسيالىق تەحنولوگيالاردى پايدالانۋ جونىندەگى كەلەشەك جوبالاردى ىسكە اسىردىۋڭ نەگىزى بولىپ سانالادى.

راۋشان قابجانقىزى

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار