اتالعان لەكتسيانى TWESCO مەن جاپونيا قورى بىرلەسە ۇيىمداستىردى. تۇرىك تىلىندە وتكەن لەكتسياعا عالىمدار, حالىقارالىق ۇيىمداردىڭ وكىلدەرى, جۋرناليستەر قاتىستى. پروفەسسور حيساو كوماتسۋدىڭ «جاڭا تاريحي دەرەكتەر نەگىزىندە ابدۋلراشيد ءيبراحيمنىڭ قىزمەتى جانە جاپونيامەن قارىم-قاتىناس» دەپ اتالاتىن لەكتسياسى حح عاسىردىڭ باسىنداعى تاتار قايراتكەرلەرى ءبىرىنىڭ ومىرىنە ارنالدى. حيساو كوماتسۋ قايراتكەردىڭ جاپونياعا ساپارى, جاپوندىق مۇسىلماندارمەن بايلانىسىن زەرتتەگەن. اتالعان شارا TWESCO-دا جاپون عالىمدارىنىڭ قاتىسۋىمەن ءوتىپ جاتقان عىلىمي لەكتسيالاردىڭ جالعاسى بولىپ سانالادى. ەستەرىڭىزگە سالار بولساق, قازان ايىنىڭ 3 كۇنى اكادەميادا جاپون زەرتتەۋشىلەرىنىڭ قاتىسۋمەن لەكتسيا وتكەن بولاتىن.
ال, تۇركى اكادەمياسى مەن «تويو بۋنكو» زەرتتەۋ ورتالىعى اراسىندا قول قويىلعان ىنتىماقتاستىق تۋرالى مەموراندۋمىندا تۇركولوگيا سالاسىندا بىرلەسە جۇمىس ىستەۋ, عىلىمي تۋىندىلاردى الماسۋ, عالىمداردىڭ ءوزارا تاجىريبە ءبولىسۋى ءتارىزدى بىرقاتار ماسەلەلەر قامتىلدى.
