پرەزيدەنتتىڭ جىل سايىنعى حالىققا جولداۋى – رەسپۋبليكانىڭ ءاربىر تۇرعىنى ءۇشىن ماڭىزدى وقيعا. اركىم وندا ءوزى ءۇشىن ماڭىزدى باعىتتى تابادى. بيىلعى جىلدىڭ جولداۋى مەملەكەتتىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرى مەن قازاقستاندىقتاردىڭ ءال-اۋقاتىن ءارى قاراي ارتتىرۋ بويىنشا مىندەتتەرگە ارنالعان. بۇل ناقتى تاجىريبەلىك ىستەردىڭ باعدارلاماسى, ءسوز جوق, بارلىق قازاقستاندىقتارعا, سونىڭ ىشىندە ءبىرىنشى كەزەكتە, بىزگە, زيالى قاۋىمنىڭ الدىڭعى شەبىندە تۇرعان پەداگوگتەرگە قاتىستى.
ەلباسى جولداۋى بارشا ۇستازدار قاۋىمىن قۋانىشقا بولەدى. ەلىمىزدىڭ تاريحىندا العاش رەت «پەداگوگ مارتەبەسى تۋرالى» زاڭ قابىلداناتىن بولادى. بۇل – ءاربىر پەداگوگتىڭ ءال-اۋقاتىنا تىكەلەي قاتىسى بار ناعىز تاريحي وقيعا. بۇگىنگى ءبىلىم بەرۋ جۇيەسىندەگى بارلىق تەحنيكالىق جاڭالىقتار جاعدايىندا مۇعالىم تۇلعاسى ءبىلىم بەرۋ ءۇردىسىنىڭ نەگىزگى ءتۇيىنى بولىپ تابىلادى. بۇل زور جاۋاپكەرشىلىك جۇكتەيدى, سەبەبى ءبىلىم بەرۋدىڭ ۋاقىت تالابى مەن زاماناۋي ەكونوميكانىڭ قاجەتتىلىكتەرىنە جاۋاپ بەرەتىن دەڭگەيىن قامتاماسىز ەتۋى ءتيىس تۇلعا – مۇعالىم.
پرەزيدەنت ءبىلىم بەرۋدىڭ جاڭا ساپاسىنا باسا نازار اۋداردى. ءبىز, پەداگوگتەر قاۋىمى, پرەزيدەنت ساياساتىن قولدايمىز. ءبىزدىڭ ءبىلىم بەرۋ جۇيەمىز الەمدىك ستاندارتتارعا سايكەس كەلىپ, ناقتى جەتىستىكتەرگە جەتەتىن ءارى قازاقستاندى جاڭا دەڭگەيگە شىعاراتىن زاماناۋي ۇرپاق تاربيەلەۋى ءۇشىن تۇبەگەيلى وزگەرۋى كەرەك. قازىرگى جاعدايدا ءبىلىم بەرۋ جۇيەسى, سونىڭ ىشىندە جوعارى ءبىلىم بۇرىنعى ۇلگىدە جۇمىس ىستەمەۋى ءتيىس. جاڭا جولداۋدا ەلباسى ءبىلىم بەرۋ جۇيەسىنىڭ جاقىن اراداعى ماقساتتارىن ناقتى كورسەتىپ, مۇعالىمدەرگە ءبىلىم بەرۋ قىزمەتتەرىن ۇسىنۋدا ودان دا جوعارى كورسەتكىشتەرگە جەتۋ ءۇشىن باعدار بەردى.
پرەزيدەنتتىڭ جىل سايىنعى حالىققا جولداۋى ەلىمىزدىڭ بىرنەشە جىل ىشىندەگى دامۋ باعىتىن, ىرعاعىن انىقتايتىنى ءشۇباسىز. ءبىز ەلباسىمىز تاڭداعان جولدىڭ دۇرىس ءارى ماقساتقا باعىتتالعانىن انىق كورىپ تۇرمىز. قارقىندى تۇردە وزگەرىپ جاتقان قازىرگى الەمدە كوپ نارسە بىزگە, پەداگوگتەرگە بايلانىستى. ءبىز وڭتايلى ەڭبەك ەتۋ كەرەكتىگىن, ءسويتىپ ءاربىر قازاقستاندىق ءوز ءال-اۋقاتىنا قول جەتكىزەتىندىگىن تۇسىنەمىز.
ءبىز ءبارىمىز دە قازاقستاننىڭ قالىپتاسۋى مەن دامۋىنىڭ كۋاگەرلەرىمىز. شيرەك عاسىردان استام ۋاقىتتا قازاقستان ناعىز ەگەمەندىككە قول جەتكىزىپ, مەملەكەتتىڭ نىعايۋى مەن گۇلدەنۋىنە باعىتتالعان بەتالىستان بۇرىلماي, نىق قادام باسىپ كەلەدى. مەملەكەت ساياساتىنىڭ باستى باعىتى ءاردايىم ەلىمىزدىڭ بولاشاعى – جاستاردى قولداۋ بولىپ كەلدى: ولاردىڭ ءبىلىم, باسپانا الۋ, جۇمىسقا تۇرۋ جاعدايلارى ۇدايى نازاردا بولدى. بۇل وزگەرىستەر تۋرالى پرەزيدەنت بىرنەشە رەت ايتتى, ەندى بۇل سوزدەر ءارى قاراي تاجىريبە جۇزىندە ىسكە اسۋدا.
ەلباسى جولداۋى جاھاندىق سىن-تەگەۋرىندەردى ەڭسەرۋدىڭ جاڭا جولدارى مەن مۇمكىندىكتەرىن انىقتايدى. بەلگىلەنگەن مىندەتتەرگە قول جەتكىزۋدە بار كۇشتى شوعىرلاندىرۋ حالىقتىڭ ءومىر ءسۇرۋ دەڭگەيىن بىرنەشە ەسە ارتتىرىپ, مەملەكەتتى جاڭا دامۋ جولىنا شىعارا الادى. پرەزيدەنتىمىزدىڭ جەتەكشىلىگىمەن ەلىمىزدىڭ الداعى جىلدارعا ارنالعان بارلىق باسىم دامۋ مىندەتتەرى تابىستى ىسكە اساتىندىعىنا ەش كۇمانىمىز جوق.
التىنبەك نۋح ۇلى,
پاۆلودار مەملەكەتتىك پەداگوگيكالىق ۋنيۆەرسيتەتىنىڭ رەكتورى
