پرەمەر-ءمينيستردىڭ ورىنباسارى مەن وبلىس اكىمى جانسەيىت تۇيمەباەۆتىڭ اۋداندارعا جاساعان سول جۇمىس ساپارىنان كەيىن ماقتانىڭ باعاسى 180 تەڭگە بولىپ بەكىتىلدى. وسىلايشا ماقتانى ەكسپورتتاۋمەن اينالىساتىن ترەيدەرلەرمەن ارنايى جيىن وتكىزىپ, جۇرگىزىلگەن جۇمىستىڭ ناتيجەسىندە «اق التىننىڭ» باعاسى 10 تەڭگەگە ءوستى.
ايتا كەتەلىك, ماقتاارال اۋدانىنىڭ اكىمى باقىت اسانوۆ پەن جەتىساي اۋدانىنىڭ اكىمى جامانتاي بەيسەنباەۆ تا ماقتانىڭ باعاسىن كوتەرۋگە ىقپال ەتۋ بويىنشا زاۋىت باسشىلارىمەن بىرنەشە رەت جينالىس وتكىزگەن. ماقتاشىلاردىڭ تالاپ-تىلەگى مينيستر مەن وبلىس اكىمى ساپارىنان كەيىن ورىندالىپ وتىر. سونداي-اق ماقتانىڭ ءاربىر تونناسىنا 12 مىڭ تەڭگەدەن مەملەكەتتىك سۋبسيديا قوسا بەرىلەتىن بولادى.
عالىمجان ەلشىباي,
«ەگەمەن قازاقستان»
