مەنىڭشە, قازاقستاننىڭ دۇنيەجۇزىلىك بانك رەيتينگىسىندەگى كوپتەگەن كورسەتكىشتەر, سونىڭ ىشىندە «Doing Business» ينديكاتورى بويىنشا العا شىعۋى كەزدەيسوق ەمەس. جەتەكشى ەكونوميكاسى بار كوپتەگەن ەلدەردىڭ وسى ءبىر قازاقستاندىق ءتاسىلدى وزدەرىنە ىڭعايلى ەتىپ يەمدەنۋىنە بولار ەدى دەپ ويلايمىن.
جوسپارلى دامۋ مەن باعىتتى ۋاقتىلى تۇزەتىپ وتىرۋ تۋرالى ايتقاندا, ەڭ الدىمەن قازاقستان پرەزيدەنتى نۇرسۇلتان نازارباەۆتىڭ جىل سايىنعى حالقىنا جولداۋىن ەرەكشە اتاپ وتكىم كەلەدى. بۇل جولداۋ وزەگىندە ەلدىڭ الداعى جىلدا جانە بولاشاقتا قالاي قاراي دامۋ كەرەكتىگىنىڭ جان-جاقتى سحەماسى مەن ءىس-ارەكەت الگوريتمى تۇرادى. مەن ن.نازارباەۆ مىرزانىڭ وتكەن جىلعى جولداۋىن زەردەلەپ شىققان ەدىم, بۇل جولعى جولداۋىمەن دە تانىستىم. بۇل قۇجاتتاردىڭ بىرىزدىلىگىن, جالعاستىلىعىن, ءبىر-ءبىرىن ءوزارا تولىقتىرىپ تۇراتىن لوگيكالىق جۇيەلىلىگىن كورىپ وتىرمىن.
پرەزيدەنت مىرزا ءوز وي-پىكىرىن حالىقارالىق ساياسات پەن ەكونوميكا قاعيداتتارىن تەرەڭ تۇسىنۋىمەن قۋاتتاپ وتىرادى. وسى ورايدا قازاقستان حالقىنىڭ بيلىك كورسەتكەن قامقورلىقتىڭ يگىلىگىن كورۋىنە, ال ەل باسشىلىعىنىڭ العا قويعان ماقساتتارعا تابىسپەن قول جەتكىزۋىنە تىلەكتەستىك بىلدىرەمىن.
فرانتيشەك ماسوپۋست,
تمد ەلدەرى بويىنشا ساۋدا-ەكونوميكالىق پالاتاسىنىڭ باسقارما توراعاسى
