- مەملەكەت باسشىسىنىڭ كەشەگى قازاقستان حالقىنا جولداۋىنىڭ بۇعان دەيىنگى جولداۋلارمەن سالىستىرا قاراعاندىعى باستى وزگەشەلىگى ەلىمىزدەگى ساياسي-ەكونوميكالىق جانە الەۋمەتتىك ماسەلەلەرگە تەرەڭ تالداۋلار جاسالۋىندا. نەدەن ۇتتىق؟ نەدەن ۇتىلىس تاۋىپ ءجۇرمىز؟ وسىنداي باسى اشىق ساۋالدارعا تايعا تاڭبا باسقانداي ناقتى جاۋاپتار قايتارىلعانى بۇل جولداۋدىڭ تاعى ءبىر ارتىقشىلىعى. ال ونىڭ باستى مازمۇنى قانداي دەگەنگە ماسەلەگە كەلسەك, ادامدىق دامۋ مەن ادامي رەسۋرستار ءبىرىنشى كەزەككە شىققانىنا ايقىن كوز جەتكىزەمىز.
راس, ادامي كاپيتالدىڭ ءورىسىن تەرەڭدەتۋ مەن كەڭەيتۋگە قاتىستى بىرقاتار تۇجىرىمدار ەلباسى تاراپىنان بۇعان دەيىن دە ايتىلعان-دى. ال بۇل جولى شەشىمىن تابۋعا ءتيىستى ماسەلەلر تۇبەگەيلى تارقاتىلدى دەپ ايتۋعا تولىق نەگىز بار. جولداۋدىڭ باسىنان اياعىنا دەيىنگى باستى وزەگى مەن ج ۇلىنى قازاقستاندىقتاردىڭ ءال-اۋقاتىن ودان ءارى كوتەرە تۇسۋگە باعىتتالعان. بۇل رەتتە ەلباسى مەكتەپتەر مەن جوعارى وقۋ ورىندارىنداعى ءبىلىم بەرۋ ساپاسىن ودان ءارى كوتەرۋدى العا قويادى. دەنى ساۋ ۇلت قانا ىرگەتاسى بەرىك مەملەكەت قۇرا الادى. وسى ورايدا جولداۋدا بارشا قازاقستاندىقتاردىڭ دەنساۋلىعىن ساقتاۋ مەن جاقسارتۋعا ءارى ورتاشا عۇمىر جاسىن ودان ءارى ءوسىرۋ ءۇشىن الداعى جەردە ىسكە اساتىن كەشەندى شارالار جان-جاقتى قامتىلعانى ۇلكەن مەرەي.
بۇعان دەيىن بىرقاتار جاعدايلاردا تەك بىرىڭعاي ەكونوميكالىق ءوسىم جونىندە ايتىلىپ, ادامدىق دامۋعا قاتىستى ماسەلەلەر ەكىنشى كەزەككە ىسىرىلىپ كەلگەنى دە جاسىرىن ەمەس. جولداۋدا وسى ەكەۋىنىڭ بىرلىگى مەن ۇيلەسىمىنە باسا نازار اۋدارىلعان. ءدال وسى ماسەلەگە قاتىستى اقتوبە وڭىرىنەن ءبىر مىسال كەلتىرە كەتكەننىڭ ارتىقشىلىعى بولا قويماس. مۇندا سوڭعى ۋاقىتتا ەكونوميكالىق ءوسىم بەس پايىزدىق مولشەردى قۇراعانى ءجيى ايتىلىپ ءجۇر. بولماسىن دەمەيمىز, بولسىن ارينە. ءوسىم دە قۇراسىن. سونىمەن ءبىر مەزگىلدە قاراپايىم تۇرعىنداردىڭ ءال-اۋقاتىنىڭ دەڭگەيى, جالاقىسىنىڭ مولشەرى, تابيعي دەموگرافيالىق ءوسىمىنىڭ جاي-كۇيى, ادامنىڭ ءومىرى ءتىپتى كەرەك دەسەڭىز ونىڭ ءولىمى جونىندە نەگە ايتپاسقا, نەگە بۇل ماسەلەلەرگە نازار اۋدارماسقا؟ تۇيتكىل تۋعىزعان تۇستارعا قاتىستى نەگە ناقتى شەشىم الماسقا؟ ويتكەنى قاي كەزدە دە قوعامەىڭ باستى تىرەگى ءارى باستى بايلىعى ادامدار بولىپ قالا بەرمەك. وسى تۇرعىدا ەلباسىنىڭ كەشەگى كۇنى قازاقستان حالقنا ارنالعان جولداۋى ادامدىق دامۋعا ارنالعان جولداۋ دەپ باتىل تۇردە ايتا الامىز. تاعى ءبىر ايتايىن دەگەنىم, مەنىڭ ويىمشا كەڭ اۋقىمدى, تەرەڭ تىنىستى جولداۋدا قازاق تىلىندە, ياعني مەملەكەتتىك تىلدە ايتىلعان سوزدەردىڭ ۇلەس سالماعى تىم از سەكلدى كورىندى. ال, ءتۇيىپ ايتقاندا بۇل جولداۋدىڭ ورنى دا, ءمانى دە مازمۇنى دا ايىرىقشا دەپ بىلەمىز.
جازىپ العان:تەمىر قۇسايىن,
«ەگەمەن قازاقستان»
اقتوبە
