ۇلىبريتانيامەن ساۋدا قاتىناسىنىڭ قيىنداۋى اۆتوكولىك وندىرۋشىلەرىن دە بەي-جاي قالدىرمادى. ماسەلەن, Toyota Motor Europe كومپانياسىنىڭ ماركەتينگ جانە ساتۋ ءبولىمىنىڭ ۆيتسە-پرەزيدەنتى مەتتيۋ حارريسون «بريتاندىق اۆتوكولىك ونەركاسىبىنىڭ قازىرگى جاعدايى, جەتكىزۋ جولدارى – بارلىعىمىزدى الاڭداتاتىن ماسەلە», دەدى. ال Renault-Nissan-Mitsubishi كومپانياسىنىڭ باسشىسى كارلوس گوسن «قازىرگى جاعداي قانداي دا ءبىر شەشىم قابىلداۋ ءۇشىن قولايسىز, ويتكەنى ەرتەڭ نە بولارى بەيمالىم», دەيدى.
BMW كومپانياسى كەز-كەلگەن جاعدايعا دايىن بولعانىمەن, جاقسىعا ءۇمىتتى. ولار «برەكسيتتەن» كەيىنگى كۇتىلەتىن جاعدايلارعا دايىندالىپ قويعان. كومپانيا باسقارماسى ۇلىبريتانيا كەلىسىمگە كەلمەگەن جاعدايدا, وكسفوردتاعى زاۋىتتاردىڭ بىرىنە جىل سايىنعى قىزمەت كورسەتۋ مەرزىمىن كەلەر جىلدىڭ 31 ناۋرىزىنا شەگىندىرگەن. كارلوس تراۆەرستىڭ ويىنشا, ساياساتكەرلەر ەركىن ساۋدا مامىلەسىنە كەلمەسە, بىرىككەن كورولدىكتەگى جۇمىس ورنى مەن ونەركاسىپكە دە كەرى اسەرىن تيگىزەدى.
ەگەر ۇلىبريتانيا ەۋرووداقتان ناقتى كەلىسىمسىز شىقسا, دسۇ-نىڭ ەرەجەسىنە ساي ستاندارتتى تاريفتەرگە ورالۋ قوسىمشا ميللياردتاعان شىعىنمەن قوسا ەركىن ساۋدا جۇيەسىنىڭ قۇلدىراۋىنا دا الىپ كەلۋى مۇمكىن.
