شەتەلدىك ينۆەستورلار الداعى ۋاقىتتا تۇركىستان قالاسى مەن وبلىس اۋماعىندا ءوز جۇمىستارىن باستايدى. تاراتا ايتساق, تۇركىستان وبلىسىنىڭ اكىمى جانسەيىت تۇيمەباەۆ يراننىڭ «Ardabil Petrochemical Co» كومپانياسىمەن جالپى قۇنى 205 ملن. دوللار بولاتىن ونكولوگيالىق ورتالىق پەن مۇناي وڭدەۋ زاۋىتىن سالۋ جونىندە مەموراندۋمعا قول قويدى.
ال قىتايلىق «Changchun Longyuan Power Equipment Co. LTD» كومپانياسى 648 ملن. اقش دوللار قارجىنى ەنەرگەتيكالىق قۇرىلعىلار مەن بۇيىمدار جاساۋعا جۇمساۋعا نيەت ءبىلدىردى. رەسەيدىڭ «Green Land Alatau» جشس-ءى 180 ملن. اقش دوللارىنا جىلىجاي كەشەنىنىڭ قۇرىلىسىن جۇرگىزەتىن بولدى. سونداي-اق, فورۋم بارىسىندا تۇزىلگەن مەموراندۋمقا سايكەس, قىتايلىق «Shanghai Lianfu New Energy Science & Technology Group» كومپانياسىمەن 340 ملن.
اقش دوللارىنا كۇن ەنەرگياسىمەن جۇرەتىن ەلەكتواۆتوبۋستار شىعاراتىن زاۋىت قۇرىلىسىن سالۋ بويىنشا كەلىسىم ءتۇزىلدى. تۋركيادان كەلگەن «Dogus Insaat ve Ticaret A.S.» ءوندىرىس ورنى جالپى قۇنى 100 ملن. اقش دوللارىنا ينفراقۇرىلىم سالاسىنداعى جوبالاردى جۇزەگە اسىرۋدا ارىپتەستىك تانىتسا, يراندىق «Faradid Meehan» كومپانياسى 5 ملن. اقش دوللارىنا كىرپىش زاۋىتىنىڭ قۇرىلىسىن جۇرگىزەتىن بولدى.
مالايزيالىق «Nagasteel Equipment Sdn. Bhd.» كومپانياسى 100 ملن. اقش دوللارىنا وڭىردە ينفراقۇرىلىمدى جانە ونەركاسىپ سالاسىندا ءىرى جوبالاردى جۇزەگە اسىرماق. تۇركيالىق «Sallyr Bey Group» كورپوراتسياسى جالپى قۇنى 15 ملن. اقش دولارىنا قوي شارۋاشىلىعىن وركەندەتۋگە باعىتتالعان فەرمانىڭ قۇرىلىسىن جۇرگىزبەك. ال قىتايلىق «Jiangsu Huale Electric Co., ltd» كومپانياسى قۋاتتىلىعى 50 مۆت-تىق كۇن ەلەكتر ستانتسياسىنىڭ قۇرىلىسىنا 50 ملن. اقش دوللارىن باعىتتايتىن بولادى. سونداي-اق, چەحيا, يتاليا, ەلدەرىنىڭ كومپانيالارى تۇركىستان وبلىسىنا ينۆەستيتسيا قۇيۋعا قىزىعىشۋلىق تانىتىپ, ناقتى كەلىسىمدەر جاسالدى.
عالىمجان ەلشباي,
«ەگەمەن قازاقستان»
تۇركىستان وبلىسى
