بۋرابايداعى ابىلاي حان الاڭىنان باستالىپ قاسيەتتى تۇركىستانعا دەيىنگى ون كۇندىك جولدان العان اسەرلەرىمەن بارلاۋ ەكسپەديتسياسىنىڭ باسشىسى, قوعام قايراتكەرى مۇرات قاجى ىدىرىس ۇلى, پەداگوگيكا عىلىمدارىنىڭ كانديداتى, مەملەكەتتىك تاريح ينستيتۋتىنىڭ عىلىمي قىزمەتكەرى جاباي قاليەۆ, گەوگراف-بيولوگ, كارتوگراف, قازاقستان رەسپۋبليكاسى قارۋلى كۇشتەرىنىڭ اسكەري-تاريحي مۇراجايىنىڭ زەرتتەۋشىسى عيزات تابۋلدين جانە تاريح عىلىمدارىنىڭ كانديداتى, مەملەكەت تاريحى ينستيتۋتىنىڭ جەتەكشى زەرتتەۋشىسى قانات ەڭسەپوۆ ءبولىستى.
بۇل جوبا «رۋحاني جاڭعىرۋ» مەملەكەتتىك باعدارلاماسىن ىسكە اسىرۋ شەڭبەرىندە اقمولا وبلىسىنىڭ اكىمشىلىگى مەن مۇرات قاجى ىدىرىس ۇلىنىڭ, مەملەكەتتىك تاريح ينستيتۋتتارىنىڭ, «قاسيەتتى قازاقستان» عىلىمي-زەرتتەۋ ورتالىعىنىڭ قولداۋىمەن باستالدى. ەكسپەديتسيا باعىتى سولتۇستىكتەن وڭتۇستىككە قاراي كوكشەتاۋ, بۋراباي, اقمولا, قورعالجىن, بارشينو, ۇلىتاۋ, جەزقازعان, قىزىلوردا جانە تۇركىستان سياقتى قالالار مەن ەلدى مەكەندەردى قامتىدى.جولدى ءوتۋ كەزەڭىندە ونىڭ قاتىسۋشىلارى عىلىمي-زەرتتەۋ جۇمىستارىن جۇرگىزىپ, قازاقستاننىڭ ەتنومادەني لاندشافتى وبەكتىلەرىندە ورنالاسقان قاسيەتتى ورىنداردىڭ, تاريحي مۇرالاردىڭ ەسكەرتكىشتەرىن كارتاعا ءتۇسىردى.
وبلىستىق ىشكى ساياسات باسقارماسىنىڭ باسشىسى گۇلجانار شوكەەۆا اقمولا وبلىسىنىڭ اكىمى مالىك ءمىرزاليننىڭ اتىنان زەرتتەۋشىلەر توبىنا العىسىن ءبىلدىردى.
ءوز كەزەگىندە, ەكسپەديتسيا مۇشەلەرى وبلىس باسشىسىنا جانە قولداۋ كورسەتكەن كاسىپكەرلەرگە العىستارىن ءبىلدىردى. اقمولا وبلىسىنىڭ اكىمى مالىك مىرزالينگە «قازاق حاندارى جانە ولاردىڭ ۇرپاقتارى» كىتابى, سونداي-اق, قاتىسۋشىلاردىڭ قولتاڭبالارىمەن جالپى ۇزىندىعى 3,5 مىڭ شاقىرىمدى قۇرايتىن جولدىڭ كارتاسى بەرىلدى.
ەكسپەديتسيانىڭ وتكىزىلگەن كەزەڭىنىڭ قورىتىندىسى بويىنشا عىلىمي-پراكتيكالىق كونفەرەنتسيا وتكىزىلەدى. اقمولا وبلىسى اكىمدىگىنىڭ تاپسىرماسى بويىنشا مونوگرافيا شىعارىلىپ, «ابىلاي حاننىڭ قارا جولى» دەرەكتى ءفيلمى دايىندالادى. بۇدان بولەك, قازاقستاندا تەڭدەسى جوق توپوگرافيالىق كارتا قۇراستىرىلىپ شىعارىلادى, مۇندا كوكشەتاۋ جانە اقمولا وبلىسىنىڭ لاندشافتىڭ تابيعي تاريحي توپونيمدەرى قولدانىلاتىن بولادى.
ەكسپەديتسيا 10 كۇن جولدا بولدى. 27 قىركۇيەك كۇنى وبلىس زيالىلارى زەرتتەۋشىلەردى كوكشەتاۋ قالاسىنا كىرە بەرىستە سالتاناتتى تۇردە قارسى الدى.
بايقال ءبايادىل,
«ەگەمەن قازاقستان»
