مەملەكەت باسشىسى ۇيىمدى رەفورمالاۋ جانە دوستاستىقتىڭ تۇجىرىمدامالىق قۇجاتتارىن جاڭارتۋ جولىندا قولعا الىنىپ جاتقان شارالاردىڭ تيىمدىلىگىن اتاپ ءوتتى. سونداي-اق مەملەكەتارالىق قاتىناستاردى ودان ءارى تەرەڭدەتۋگە سەپتىگىن تيگىزەتىن بىرقاتار پەرسپەكتيۆتى باعىتتارعا نازار اۋداردى. اتاپ ايتار بولساق, تمد-نىڭ ەكونوميكالىق نەگىزىن نىعايتۋ جانە ەلدەر اراسىنداعى ساۋدا كەدەرگىلەرىن جويۋعا باعىتتالعان شارالار قابىلداۋ قاجەتتىگىن جەتكىزدى.
سونىمەن قاتار ەلباسى ساۋدا-ەكونوميكالىق قاتىناستاردى كەڭەيتۋ جانە تمد-عا مۇشە بارلىق ەلدەردىڭ كولىك-ترانزيت الەۋەتىن پايدالانۋ جونىندەگى ماسەلەلەرگە توقتالدى.
بۇدان بولەك, ن.نازارباەۆ عىلىم جانە عارىش سالاسىندا, تسيفرلاندىرۋ جانە ءتۋريزمدى دامىتۋ بويىنشا بىرلەسكەن جوبالاردى جۇرگىزۋگە نازار اۋداردى. مەملەكەت باسشىسى قازاقستاندا قۇرىلعان «استانا» حالىقارالىق قارجى ورتالىعىنىڭ ەرەكشەلىكتەرى جونىندە اڭگىمەلەپ, تمد-عا مۇشە مەملەكەتتەردى ورتالىق جۇمىسىنا بەلسەنە ارالاسۋعا شاقىردى.
ايتا كەتۋ كەرەك, دۋشانبەدە تمد مەملەكەتتەرى باسشىلارىنىڭ كەزەكتى وتىرىسى ءوتىپ جاتىر. جيىنعا رەسەي پرەزيدەنتى ۆلاديمير پۋتين, بەلارۋس پرەزيدەنتى الەكساندر لۋكاشەنكو, ازەربايجان پرەزيدەنتى يلحام اليەۆ, قىرعىزستان پرەزيدەنتى سوورونباي جەەنبەكوۆ, ارمەنيا پرەمەر-ءمينيسترى نيكول پاشينيان, مولدوۆا پرەزيدەنتى يگور دودون جانە وزبەكستان پرەزيدەنتى شاۆكات ميرزيوەۆ, تۇرىكمەنستان مينيسترلەر كابينەتى توراعاسىنىڭ ورىنباسارى پۋرلي اگامۋرادوۆ كەلدى.
اباي اسانكەلدى ۇلى,
«ەگەمەن قازاقستان»
دۋشانبەدەن
