رەسەي ەكسپورت ورتالىعىنىڭ حالىقارالىق جوبالار بويىنشا ديرەكتورى اندرەي ارحيپوۆ مۇنداي ءىس-شارالار جەڭىل ونەركاسىپ سالاسىنداعى ەكىجاقتى ساۋدا قارىم-قاتىناستارىن دامىتۋدىڭ ىقپالدى مەحانيزمى ەكەنىن اتاپ ءوتتى. «بۇگىنگى شاراعا قازاقستان نارىعىنا قاتىستى ناقتى جوسپارى بار 25 كومپانيا وكىلدەرى شاقىرىلعان. تۇتىنۋشىلار قاتارى فيزيكالىق تۇلعا بولعانىمەن, جۇمىس ىستەۋدە نارىقتىڭ ءوز زاڭدىلىقتارى بار ەكەنى بەلگىلى. وسىعان وراي شاعىن جانە ورتا كاسىپكەرلىككە بايلانىستى ازىرلەنگەن ناقتىلى جوسپارىمىزدى ۇسىنىپ وتىرمىز. شاراعا دايىندىق بارىسىندا ءوزارا قىزىعۋشىلىق تانىتقان تاراپتار اراسىندا كەلىسسوزدەر جۇرگىزىلدى», دەدى اندرەي ارحيپوۆ.
ىسكەرلىك كەلىسسوزدەر بارىسىندا قازاقستاندىق وندىرۋشىلەر رەسەيلىك ارىپتەستەرىمەن تاجىريبە الماستىرۋ ارقىلى تاۋارلاردىڭ كەڭىنەن تارالۋ ماسەلەلەرىن تالقىلادى. Kogel ءسان ءۇيىنىڭ ساتۋ بويىنشا ديرەكتورى ينگا فايزۋللاەۆا مۇنداي شارالاردىڭ تۇتىنۋ نارىعىن دامىتۋدا ماڭىزى زور ەكەندىگىن ايتادى.
– قازاقستاندىق ارىپتەستەرىمىزبەن دوستىق, ىسكەرلىك بايلانىستاردى دامىتىپ جاتقانىمىز ءۇشىن وتە قۋانىشتىمىز. ءبىزدىڭ ءسان ءۇيى كەز كەلگەن ۋاقىتتا ىڭعايلىلىق پەن جايلىلىقتى ءبىرىنشى ورىنعا قويادى. ۇلكەن مەگاپوليستە تاڭەرتەڭ ۇيدەن نە كيىپ شىعاتىنىڭ ماڭىزدى. وسىعان وراي ءبىزدىڭ توپتامامىزدا تاڭەرتەڭ وفيسكە, كەشكىسىن مەيرامحاناعا كيىپ بارۋعا بولاتىن كوپ فۋنكتسيالى كيىمدەر بار. ەڭ باستىسى قاراپايىم بولسا دا كوز تارتارلىق ءساندى بولۋى ماڭىزدى. قازاق قىزدارى وتە سۇلۋ. ءبىزدىڭ توپتامامىز قازاقستاندىقتاردىڭ ۇلتتىق ۇياڭ مىنەزىنە ءدال كەلەتىن سياقتى, – دەگەن ول كۇزگى ترەندتە سۇر, قارا, قاراكوك, اق سىندى كلاسسيكالىق تۇستەرگە باسىمدىق بەرگەندى ءجون سانايدى.
ءىس-شارانى ۇيىمداستىرۋعا رەسەي ەكسپورت ورتالىعى مەملەكەتتىك ينستيتۋتى, استانا اكىمدىگى, استانا قالاسىنىڭ كاسىپكەرلەر پالاتاسى جانە «استانا كونۆەنشن بيۋروسى» جشس قولداۋ كورسەتىپ وتىر.
ايا ءومىرتاي,
«ەگەمەن قازاقستان»
